У Пэнтагоне заяўляюць, што заявы прэзыдэнта Расеі Ўладзіміра Пуціна аб разьвіцьці ядзернай зброі для іх «ня стала сюрпрызам».
«Амэрыканцы павінны заставацца спакойнымі. Мы цалкам гатовыя», — заявіла 1 сакавіка прадстаўнік Пэнтагону Дана Уайт.
Раней у чацьвер прэзыдэнт Расеі Ўладзімір Пуцін выступіў перад Фэдэральным сходам. Гэты штогадовы зварот, згодна з Канстытуцыяй, абавязковы для кіраўніка дзяржавы. У гэты раз прамову пераносілі, яе дату мянялі некалькі разоў — усё бліжэй да выбараў.
Амаль палову часу Пуціна занялі анонсы і відэапрэзэнтацыі найноўшых сыстэм узбраеньня. Амаль усе яны здольныя несьці ядзерныя зарады.
Праграма новага тэрміну. Пуцін заявіў, што Расея валодае нечуванай зброяй
Паводле слоў Уладзіміра Пуціна, Расеі прыйшлося распрацоўваць новую зброю ў адказ на пашырэньне магчымасьцяў супрацьракетнай абароны ЗША.
Пуцін: Пасланьне вайны
Некаторыя з паказаных расейскім прэзыдэнтам узбраеньняў дэманстраваліся ўпершыню. Іх тэхнічныя характарыстыкі і ступень гатоўнасьці немагчыма пацьвердзіць незалежна.