Архітэктар Міхаіл Пірагоў прапанаваў альтэрнатыву будынку бізнэс-цэнтру Dana Holdings на Кастрычніцкай плошчы ў Менску. Праект апублікаваў Беларускі саюз архітэктараў.
Заслужаны архітэктар БССР Міхаіл Пірагоў працаваў галоўным архітэктарам комплексу аб’ектаў на Кастрычніцкай плошчы, у тым ліку Палаца Рэспублікі. На месцы былога музэю Вялікай Айчыннай вайны Пірагоў прапануе пабудаваць чатырохпавярховы забаўляльны цэнтар з фудкортам, канцэртнай заляй, коўзанкай, боўлінгам і дзіцячай зонай. Прапанаваны будынак мае гадзіньнікавую вежу з пляцоўкай для агляду і шклянымі ліфтамі.
Варыянт Dana Holdings:
Октябрьская площадь через пару лет. Взято из https://t.co/n14THvc4TL pic.twitter.com/MDBjCUl94t
— Anton Motolko (@Motolko) 27 декабря 2017 г.
На месцы былога музэю Вялікай Айчыннай вайны на менскай Кастрычніцкай плошчы кампанія Dana Holdings прапанавала збудаваць бізнэс-цэнтар, які, на думку аўтараў, спалучаў бы клясычны і сучасны стылі. Указ аб будаўніцтве падпісаў Аляксандар Лукашэнка. Але ідэя спадабалася далёка ня ўсім — на petitions.by супраць праекту падпісаліся больш як 4000 карыстальнікаў.