А 14-й гадзіне Камітэт дзяржаўнай бясьпекі правядзе брыфінг пра абставіны затрыманьня ўкраінскага журналіста Паўла Шаройкі.
Нягледзячы на тое, што яго затрымалі яшчэ 25 кастрычніка, афіцыйнае абвінавачаньне ня выстаўлена дагэтуль.
Тым часам стала вядома, што карэспандэнта «Ўкраінскага радыё» трымаюць у СІЗА КДБ, у яго ёсьць выдзелены дзяржавай адвакат, для яго прымаюць перадачы, а сам ён дасылае лісты з «амэрыканкі».
Ягоная жонка Алена ў размове з працадаўцам паведаміла, што мужа нібыта вінавацяць у «шпіёнскай дзейнасьці».
Свабода будзе весьці наўпроставую відэа- і тэкставую трансьляцыю.