Расея дасьць Беларусі міждзяржаўны крэдыт у памеры $ 700 млн, паведаміла агенцтва ТАСС са спасылкай на намесьніка міністра фінансаў РФ Сяргея Старчака.
«Гэта тэхнічная праца. Палітычныя рашэньні ўсе прынялі. Мы афармляем дакумэнты і ўсё — $ 700 млн, як і дамовіліся, як было абвешчана», — сказаў Старчак. Ён дадаў, што дакумэнты датычна крэдыту падпішуць пасьля таго, як выйдзе распараджэньне расейскага ўраду.