Засядаць будуць у аблвыканкаме на вуліцы Элізы Ажэшкі, 3. Учора над уваходам вывесілі транспарант на расейскай мове. Расьцяжка з паведамленьнем пра паседжаньне вісіць таксама непадалёк — на скрыжаваньні вуліц Ажэшкі, Віленскай і Савецкай.
Транспарант над аблвыканкамам
У навакольлі аблвыканкаму мноства цывільных людзей. Стаяць па два або пахаджаюць. Збольшага яны маладзейшага веку, апранутыя як звычайна моладзь — некаторыя з капюшонамі на галаве, з рукзакамі. Таксама дзяжураць міліцыянты ў форме ДАІ, на прылеглых вуліцах ёсьць міліцэйскія машыны.
Дзяжураць двое ў цывільным і міліцыянт
Агулам захады бясьпекі звонку падобныя да тых, якія робяцца, калі прыяжджае Лукашэнка, што бывае нячаста. Адна розьніца: у навакольлі аблвыканкаму ставяць тады жалезныя бар’еры, не прапускаючы мінакоў.
На стаянцы транспарту зь Менску: мікрааўтобусы расейскай дэлегацыі і аўтамабілі з дыпляматычнымі нумарамі