У новай перадачы «Бяз гальштукаў» падсумоўваем Першы дзень беларускай вышыванкі ў Менску і працягваем дыскусію пра моду на вышыванкі.
Што найперш ўвасабляюць вышыванкі — частку этнічнай культуры, фальклёру, перайманьне ўкраінскай патрыятычнай тэндэнцыі, адраджэньне беларушчыны ці сымбаль вясковай Беларусі? У дыскусіі бяруць удзел адзін з арганізатараў Дня беларускай вышыванкі ў Менску Франак Вячорка, гісторык, кіраўнік напрамку "Публічная гісторыя" Эўрапейскага каледжу Liberal Arts у Беларусі"Аляксей Братачкін і мастацтвазнаўца Вячаслаў Ракіцкі, аўтар першай перадачы «Бяз гальштукаў», прысьвечанай вышыванкам.