Рэпартаж нашага карэспандэнта з выбарчых участкаў у Чарнігаве.
Апоўдні на выбарчых участках Чарнігава было асабліва шматлюдна. Гараджане ішлі выбіраць прэзыдэнта сем’ямі.
Прадпрымальнік Раман Часнык галасаваць прыйшоў з жонкаю і дзьвюма дачушкамі. На прадпрымальніку блакітная майка з трызубцам — нацыянальным гербам Украіны. Жоўта-блакітныя сьцяжкі ў руках дачушак.
Раман: «Мы ўсёй сям’ёй галасуем, бо гэта наш абавязак. Як на працу трэба хадзіць, так і на выбары, бо ад іх залежыць наша будучыня. З новым прэзыдэнтам грамадзтва адолее карупцыю, а людзі будуць мець надзейную сацыяльную абарону — у мэдыцыне, страхаваньні, адпачынку. Я асабіста галасаваў за Пятра Парашэнку — сапраўднага ўкраінскага лідэра. Спадзяюся, што ён пераможа ўжо ў першым туры — за яго вельмі шмат гараджан галасуе».
Пэнсіянэрка Лідзія зь ім згодная:
«Я думала галасаваць за Алега Цягнібока, нават газэту „Свабода“ выпісала. Але ў апошнюю хвіліну, калі прыйшла да школы, дзе галасавала, мяне адолеў моцны патрыятызм. Думаю: каб не было другога туру, трэба галасаваць за Парашэнку, які лідзіруе на выбарах. Разумееце, на ўсходзе, на поўдні ідзе вайна. І калі мы ня выберам кіраўніка дзяржавы зь першага заходу, то беспарадкі там могуць працягнуцца. Толькі з-за гэтага я за Парашэнку прагаласавала — і толькі. А душою і сэрцам я — за Цягнібока. І праграма яго мне дужа падабаецца».
Асаблівасьць цяперашніх прэзыдэнцкіх выбараў на Чарнігаўшчыне ў тым, што ў іх бярэ актыўны ўдзел і моладзь. Яны не пакідаюць выбар, як бывала раней, на водкуп старэйшаму пакаленьню — галасуюць самі.
Паводле зьвестак назіральнікаў, ужо праз тры гадзіны пасьля адкрыцьця ўчасткаў у Чарнігаве прагаласавалі звыш 20 адсоткаў выбарцаў.
За гадзіну да гэтага кіраўнік участковай выбарчай камісіі № 740986 Надзея Шаршаева апавяла карэспандэнту «Свабоды», што з 1635 выбарцаў, зарэгістраваных на ўчастку, бюлетэні апусьцілі ў празрыстыя скрыні 185 чалавек.
Выбары ў рэгіёне, паводле зьвестак каардынатара Чарнігаўскай абласной народнай самаабароны Аляксандра Ясенчука, праходзяць спакойна. Два дробныя інцыдэнты па-за межамі выбарчых участкаў добраахвотнікі самаабароны прыпынілі.
У ахове грамадзкага парадку задзейнічаны і сфармаваны нядаўна спэцыяльны батальён абласной управы ўнутраных спраў «Чарнігаў».
Прадпрымальнік Раман Часнык галасаваць прыйшоў з жонкаю і дзьвюма дачушкамі. На прадпрымальніку блакітная майка з трызубцам — нацыянальным гербам Украіны. Жоўта-блакітныя сьцяжкі ў руках дачушак.
Раман: «Мы ўсёй сям’ёй галасуем, бо гэта наш абавязак. Як на працу трэба хадзіць, так і на выбары, бо ад іх залежыць наша будучыня. З новым прэзыдэнтам грамадзтва адолее карупцыю, а людзі будуць мець надзейную сацыяльную абарону — у мэдыцыне, страхаваньні, адпачынку. Я асабіста галасаваў за Пятра Парашэнку — сапраўднага ўкраінскага лідэра. Спадзяюся, што ён пераможа ўжо ў першым туры — за яго вельмі шмат гараджан галасуе».
Пэнсіянэрка Лідзія зь ім згодная:
«Я думала галасаваць за Алега Цягнібока, нават газэту „Свабода“ выпісала. Але ў апошнюю хвіліну, калі прыйшла да школы, дзе галасавала, мяне адолеў моцны патрыятызм. Думаю: каб не было другога туру, трэба галасаваць за Парашэнку, які лідзіруе на выбарах. Разумееце, на ўсходзе, на поўдні ідзе вайна. І калі мы ня выберам кіраўніка дзяржавы зь першага заходу, то беспарадкі там могуць працягнуцца. Толькі з-за гэтага я за Парашэнку прагаласавала — і толькі. А душою і сэрцам я — за Цягнібока. І праграма яго мне дужа падабаецца».
Асаблівасьць цяперашніх прэзыдэнцкіх выбараў на Чарнігаўшчыне ў тым, што ў іх бярэ актыўны ўдзел і моладзь. Яны не пакідаюць выбар, як бывала раней, на водкуп старэйшаму пакаленьню — галасуюць самі.
Паводле зьвестак назіральнікаў, ужо праз тры гадзіны пасьля адкрыцьця ўчасткаў у Чарнігаве прагаласавалі звыш 20 адсоткаў выбарцаў.
За гадзіну да гэтага кіраўнік участковай выбарчай камісіі № 740986 Надзея Шаршаева апавяла карэспандэнту «Свабоды», што з 1635 выбарцаў, зарэгістраваных на ўчастку, бюлетэні апусьцілі ў празрыстыя скрыні 185 чалавек.
Выбары ў рэгіёне, паводле зьвестак каардынатара Чарнігаўскай абласной народнай самаабароны Аляксандра Ясенчука, праходзяць спакойна. Два дробныя інцыдэнты па-за межамі выбарчых участкаў добраахвотнікі самаабароны прыпынілі.
У ахове грамадзкага парадку задзейнічаны і сфармаваны нядаўна спэцыяльны батальён абласной управы ўнутраных спраў «Чарнігаў».
Сям’я Рамана Часныка галасавала разам
На ўчасткі людзі ідуць зь дзецьмі