Скульптар і грамадзкі актывіст Гэнік Лойка патрабуе ад суду Цэнтральнага раёну Менску правядзеньня беларускамоўнага судовага працэсу паводле ягонага пазову да Камітэту дзяржбясьпекі і Белінвэстбанку.
З адпаведнай заявай Гэнік Лойка зьвярнуўся да старшыні суду Юрыя Лебедзя.
Як паведаміў Свабодзе Гэнік Лойка, напярэдадні ён атрымаў судовыя позвы, напісаныя на расейскай мове. Актывіст зьвярнуўся ў суд з прапановай выпісаць позвы па-беларуску, аднак сакратарка судзьдзі Алены Сямак адмовілася гэта рабіць, спаслаўшыся на няведаньне беларускай мовы.
«Гэткім чынам, судовы працэс аб парушэньні артыкула № 4 Закону аб мовах будзе весьціся з парушэньнем гэтага ж артыкула», — падкрэсьлівае Гэнік Лойка.
«Старшыня суду Цэнтральнага раёну Юры Лебедзь падчас асабістага прыёму ў гэтым пытаньні спрабаваў размаўляць са мной па-беларуску, але заявіў, што мову судовага працэсу будзе абіраць судзьдзя і ніхто ня зможа яе прымусіць зрабіць той ці іншы выбар, — паведаміў Гэнік Лойка. — Тым часам Канстытуцыя краіны і Закон аб мовах дазваляюць грамадзянам краіны карыстацца беларускай мовай бесьперашкодна».
10 красавіка ў судзе Цэнтральнага раёну Менску адбудзецца судовы працэс паводле пазову Гэніка Лойкі да КДБ аб парушэньні артыкула № 4 Закону аб мовах, які абавязвае супрацоўнікаў дзяржаўных органаў валодаць дзьвюма дзяржаўнымі мовамі. 11 красавіка ў гэтым жа судзе адбудзецца яшчэ адзін працэс паводле аналягічнага пазову Гэніка Лойкі да Белінвэстбанку. Паводле Гэніка Лойкі, у дзяржаўных структурах працуе вельмі шмат службоўцаў, якія не карыстаюцца беларускай мовай, не валодаюць ёй і адкрыта гэта прызнаюць. Гэткім чынам, праз судовы працэс грамадзкі актывіст спрабуе прыцягнуць да адказнасьці чыноўнікаў і прымусіць іх выконваць Закон аб мовах у Рэспубліцы Беларусь.
Як паведаміў Свабодзе Гэнік Лойка, напярэдадні ён атрымаў судовыя позвы, напісаныя на расейскай мове. Актывіст зьвярнуўся ў суд з прапановай выпісаць позвы па-беларуску, аднак сакратарка судзьдзі Алены Сямак адмовілася гэта рабіць, спаслаўшыся на няведаньне беларускай мовы.
«Гэткім чынам, судовы працэс аб парушэньні артыкула № 4 Закону аб мовах будзе весьціся з парушэньнем гэтага ж артыкула», — падкрэсьлівае Гэнік Лойка.
«Старшыня суду Цэнтральнага раёну Юры Лебедзь падчас асабістага прыёму ў гэтым пытаньні спрабаваў размаўляць са мной па-беларуску, але заявіў, што мову судовага працэсу будзе абіраць судзьдзя і ніхто ня зможа яе прымусіць зрабіць той ці іншы выбар, — паведаміў Гэнік Лойка. — Тым часам Канстытуцыя краіны і Закон аб мовах дазваляюць грамадзянам краіны карыстацца беларускай мовай бесьперашкодна».
10 красавіка ў судзе Цэнтральнага раёну Менску адбудзецца судовы працэс паводле пазову Гэніка Лойкі да КДБ аб парушэньні артыкула № 4 Закону аб мовах, які абавязвае супрацоўнікаў дзяржаўных органаў валодаць дзьвюма дзяржаўнымі мовамі. 11 красавіка ў гэтым жа судзе адбудзецца яшчэ адзін працэс паводле аналягічнага пазову Гэніка Лойкі да Белінвэстбанку. Паводле Гэніка Лойкі, у дзяржаўных структурах працуе вельмі шмат службоўцаў, якія не карыстаюцца беларускай мовай, не валодаюць ёй і адкрыта гэта прызнаюць. Гэткім чынам, праз судовы працэс грамадзкі актывіст спрабуе прыцягнуць да адказнасьці чыноўнікаў і прымусіць іх выконваць Закон аб мовах у Рэспубліцы Беларусь.