Палітвязень Мікалай Статкевіч дамогся, каб яго трымалі ў адзіночцы. Такое жаданьне палітык тлумачыць небясьпекай ягонаму жыцьцю і здароўю.
Паводле Статкевіча, небясьпека тлумачылася тым, што разам зь ім у камэры быў іншы вязень, на якога ў выпадку адмысловай правакацыі адміністрацыя магла ўскласьці адказнасьць. Пра гэта Мікалай Статкевіч напісаў жонцы Марыне Адамовіч:
«Вырашыў больш не сядзець са сваім суседам. Прэтэнзій да яго ня маю, нават лічу, што за 12 гадоў чалавек сваё адсядзеў і яго можна было б адпусьціць дахаты, каб пасьпеў яшчэ нарадзіць і выхаваць дзяцей. Але і так я прасядзеў разам зь ім доўга. Каб разыйсьціся зь ім, напісаў заяву аб пагрозе бясьпецы і аб утрыманьні мяне далей у адзіночцы. Ні з кім болей сядзець не хачу, бо тут сапраўды можа ўзьнікнуць пагроза бясьпецы ў сувязі з сытуацыяй на волі. Эканамічнае становішча пагаршаецца, трымаць мяне тут усё даражэй, а выпусьціць — страшней. Таму расьце імавернасьць усялякіх сюрпрызаў. У такіх варунках хацеў паменшыць колькасьць крыніц, ад якіх гэтыя сюрпрызы могуць зьявіцца да аднаго — там, дзе дзьверы ў камэру».
«Маецца на ўвазе, што ён ня хоча, каб можна было сьпісаць гэтыя сюрпрызы на некага іншага», — дадала ад сябе Марына Адамовіч. Паводле ліста, на які спасылаецца жонка Мікалая Статкевіча, за час зьняволеньня ён налічыў 7 выпадкаў, калі ўзьнікала рэальная пагроза ягонаму жыцьцю ці здароўю.
Былы кандыдат на прэзыдэнта Мікалай Статкевіч адбывае пакараньне ў Магілёўскай крытай турме, дзе яму давядзецца адбыць яшчэ каля году, а тады магчымае вяртаньне ў калёнію. Ён асуджаны за арганізацыю масавых забурэньняў 19 сьнежня 2010 году на 6 гадоў зьняволеньня — да канца 2016 году. Пісаць прашэньне аб памілаваньні на імя Лукашэнкі Мікалай Статкевіч адмаўляецца.
«Вырашыў больш не сядзець са сваім суседам. Прэтэнзій да яго ня маю, нават лічу, што за 12 гадоў чалавек сваё адсядзеў і яго можна было б адпусьціць дахаты, каб пасьпеў яшчэ нарадзіць і выхаваць дзяцей. Але і так я прасядзеў разам зь ім доўга. Каб разыйсьціся зь ім, напісаў заяву аб пагрозе бясьпецы і аб утрыманьні мяне далей у адзіночцы. Ні з кім болей сядзець не хачу, бо тут сапраўды можа ўзьнікнуць пагроза бясьпецы ў сувязі з сытуацыяй на волі. Эканамічнае становішча пагаршаецца, трымаць мяне тут усё даражэй, а выпусьціць — страшней. Таму расьце імавернасьць усялякіх сюрпрызаў. У такіх варунках хацеў паменшыць колькасьць крыніц, ад якіх гэтыя сюрпрызы могуць зьявіцца да аднаго — там, дзе дзьверы ў камэру».
«Маецца на ўвазе, што ён ня хоча, каб можна было сьпісаць гэтыя сюрпрызы на некага іншага», — дадала ад сябе Марына Адамовіч. Паводле ліста, на які спасылаецца жонка Мікалая Статкевіча, за час зьняволеньня ён налічыў 7 выпадкаў, калі ўзьнікала рэальная пагроза ягонаму жыцьцю ці здароўю.
Былы кандыдат на прэзыдэнта Мікалай Статкевіч адбывае пакараньне ў Магілёўскай крытай турме, дзе яму давядзецца адбыць яшчэ каля году, а тады магчымае вяртаньне ў калёнію. Ён асуджаны за арганізацыю масавых забурэньняў 19 сьнежня 2010 году на 6 гадоў зьняволеньня — да канца 2016 году. Пісаць прашэньне аб памілаваньні на імя Лукашэнкі Мікалай Статкевіч адмаўляецца.