Мікалай Статкевіч адмаўляецца зьвяртацца да Лукашэнкі, паколькі для таго такі зварот азначае прызнаньне ягонай легітымнасьці.
Палітвязень Мікалай Статкевіч не выключае, што нават калі ён напіша прашэньне аб памілаваньні без прызнаньня віны, гэты ліст будзе падроблены і перададзены Аляксандру Лукашэнку ў такім выглядзе, якога патрабуе кіраўнік дзяржавы. Жонка палітыка Марына Адамовіч працытавала апошні ліст мужа.
«Я сябе вінаватым не лічу. Праўда, іх бы задаволіла, калі б я напісаў і патрабаваньне мяне вызваліць. Бо для іх галоўнае не зьмест майго звароту, а каб я пасаду адрасата напісаў гэтак, як яму хочацца. Па-сутнасьці зь мяне 2,5 гады выціскаюць прызнаньне ягонай легітымнасьці. Але я індульгенцыямі не гандлюю, нават калі мне прапануюць у якасьці аплаты маю ўласную свабоду. Не дачакаюцца».
Былы кандыдат на прэзыдэнта Мікалай Статкевіч згадаў таксама, што першы раз пачуў прапанову напісаць прашэньне аб памілаваньні яшчэ ў шклоўскай калёніі. Пазьней адзін з супрацоўнікаў калёніі, паводле Статкевіча, распавёў, што калі б такое прашэньне палітвязень напісаў, яго маглі падрабіць, ўпісаўшы прызнаньне віны, ды адправіць Лукашэнку.
Мікалай Статкевіч пакараны за Плошчу 6 гадамі зьняволеньня. Ужо 2 гады палітвязьня трымаюць ў крытай магілёўскай турме.
«Я сябе вінаватым не лічу. Праўда, іх бы задаволіла, калі б я напісаў і патрабаваньне мяне вызваліць. Бо для іх галоўнае не зьмест майго звароту, а каб я пасаду адрасата напісаў гэтак, як яму хочацца. Па-сутнасьці зь мяне 2,5 гады выціскаюць прызнаньне ягонай легітымнасьці. Але я індульгенцыямі не гандлюю, нават калі мне прапануюць у якасьці аплаты маю ўласную свабоду. Не дачакаюцца».
Былы кандыдат на прэзыдэнта Мікалай Статкевіч згадаў таксама, што першы раз пачуў прапанову напісаць прашэньне аб памілаваньні яшчэ ў шклоўскай калёніі. Пазьней адзін з супрацоўнікаў калёніі, паводле Статкевіча, распавёў, што калі б такое прашэньне палітвязень напісаў, яго маглі падрабіць, ўпісаўшы прызнаньне віны, ды адправіць Лукашэнку.
Мікалай Статкевіч пакараны за Плошчу 6 гадамі зьняволеньня. Ужо 2 гады палітвязьня трымаюць ў крытай магілёўскай турме.