Малчанаў перакананы, што такім чынам яму помсьціць КДБ.
Суд горада Барысава працягнуў на паўгода прэвэнтыўны нагляд над былым палітвязьнем Аляксандрам Малчанавым.
Малчанаў павінен быць дома з 22.00 да 6.00 раніцы.
«Судзіў мяне той самы судзьдзя Болатаў, які паўгода таму даў мне 6 месяцаў нагляду», — заўважае Малчанаў у інтэрвію Радыё Свабода.
«Падставаў для такога рашэньня няма: у мяне былі добрыя характарыстыкі зь месца працы, мяне нармальна характарызавалі прадстаўнікі крымінальнай інспэкцыі. Але, груба парушаючы закон, мне працягнулі нагляд», — кажа Малчанаў.
Адказваючы на пытаньне, каму выгадна такое рашэньне суду, Малчанаў заявіў: «Я думаю, што КДБ паўплываў на іншыя структуры. Я для мясцовых КДБшнікаў — белая варона. І ім будзе зручна, калі я буду пад кантролем».
9 студзеня суд у Барысаве прызнаў былога палітвязьня Аляксандра Малчанава парушальнікам прэвэнтыўнага нагляду. Малчанава аштрафавалі на 780 тысяч рублёў.
Аляксандар сказаў Свабодзе, што ў судзе прызнаў сябе вінаватым, бо забыўся зьявіцца для рэгістрацыі ў міліцыю:
«Працэс сёньня прайшоў даволі хутка, працэдура простая. Мяне спыталі, ці насамрэч у мяне не было паважных прычын для зьяўленьня на рэгістрацыю ў аддзел міліцыі. Я сказаў, што я забыўся. Вось і ўвесь працэс. Празь некалькі хвілін мне зачыталі пастанову аб прыцягненьні да адміністрацыйнай адказнасьці».
Даведка Радыё Свабода: Аляксандар Малчанаў
Нарадзіўся 22 чэрвеня 1988 году ў Барысаве.
Вучыўся ў барысаўскай школе № 22.
На пачатку 2000-х быў сябрам руху «Зубар».
Працаваў на Барысаўскім рамонтна-мэханічным заводзе, «Гідраўзмацняльніку», БАТЭ.
Вучыўся ў Міжнародным гуманітарна-эканамічным інстытуце.
Браў удзел у акцыі пратэсту супраць фальшаваньня вынікаў выбараў 19 сьнежня 2010 году.
Быў затрыманы 6 студзеня 2011 году ў сябе дома ў Барысаве.
Абвінавачаны ва ўдзеле ў масавых беспарадках і ў зьнявазе дзяржаўнага сьцяга, які сарваў з будынку КДБ.
2 сакавіка судзьдзя Фрунзенскага суду Менску Тацяна Чаркас асудзіла Малчанава на 3 гады зьняволеньня ў калёніі ўзмоцненага рэжыму.
Адбываў пакараньне ў калёніі № 15 Магілёва.
Вызвалены 14 верасьня 2011 году.
Вясной 2012-га Малчанава прызналі вінаватым у крадзяжы мэталалому зь мясцовага заводу і асудзілі на 1,5 года зьняволеньня.
Зьбіраючы мэталалом, ён зайшоў на тэрыторыю мясцовага заводу цяжкіх штамповак, якая не ахоўвалася. Там яго і затрымалі.
Выйшаў на волю Малчанаў 13 ліпеня 2013 году.
Цяпер Малчанаў працуе на танкарамонтным заводзе ў Барысаве.
Малчанаў павінен быць дома з 22.00 да 6.00 раніцы.
«Судзіў мяне той самы судзьдзя Болатаў, які паўгода таму даў мне 6 месяцаў нагляду», — заўважае Малчанаў у інтэрвію Радыё Свабода.
«Падставаў для такога рашэньня няма: у мяне былі добрыя характарыстыкі зь месца працы, мяне нармальна характарызавалі прадстаўнікі крымінальнай інспэкцыі. Але, груба парушаючы закон, мне працягнулі нагляд», — кажа Малчанаў.
Адказваючы на пытаньне, каму выгадна такое рашэньне суду, Малчанаў заявіў: «Я думаю, што КДБ паўплываў на іншыя структуры. Я для мясцовых КДБшнікаў — белая варона. І ім будзе зручна, калі я буду пад кантролем».
9 студзеня суд у Барысаве прызнаў былога палітвязьня Аляксандра Малчанава парушальнікам прэвэнтыўнага нагляду. Малчанава аштрафавалі на 780 тысяч рублёў.
Аляксандар сказаў Свабодзе, што ў судзе прызнаў сябе вінаватым, бо забыўся зьявіцца для рэгістрацыі ў міліцыю:
«Працэс сёньня прайшоў даволі хутка, працэдура простая. Мяне спыталі, ці насамрэч у мяне не было паважных прычын для зьяўленьня на рэгістрацыю ў аддзел міліцыі. Я сказаў, што я забыўся. Вось і ўвесь працэс. Празь некалькі хвілін мне зачыталі пастанову аб прыцягненьні да адміністрацыйнай адказнасьці».
Даведка Радыё Свабода: Аляксандар Малчанаў
Нарадзіўся 22 чэрвеня 1988 году ў Барысаве.
Вучыўся ў барысаўскай школе № 22.
На пачатку 2000-х быў сябрам руху «Зубар».
Працаваў на Барысаўскім рамонтна-мэханічным заводзе, «Гідраўзмацняльніку», БАТЭ.
Вучыўся ў Міжнародным гуманітарна-эканамічным інстытуце.
Браў удзел у акцыі пратэсту супраць фальшаваньня вынікаў выбараў 19 сьнежня 2010 году.
Быў затрыманы 6 студзеня 2011 году ў сябе дома ў Барысаве.
Абвінавачаны ва ўдзеле ў масавых беспарадках і ў зьнявазе дзяржаўнага сьцяга, які сарваў з будынку КДБ.
2 сакавіка судзьдзя Фрунзенскага суду Менску Тацяна Чаркас асудзіла Малчанава на 3 гады зьняволеньня ў калёніі ўзмоцненага рэжыму.
Адбываў пакараньне ў калёніі № 15 Магілёва.
Вызвалены 14 верасьня 2011 году.
Вясной 2012-га Малчанава прызналі вінаватым у крадзяжы мэталалому зь мясцовага заводу і асудзілі на 1,5 года зьняволеньня.
Зьбіраючы мэталалом, ён зайшоў на тэрыторыю мясцовага заводу цяжкіх штамповак, якая не ахоўвалася. Там яго і затрымалі.
Выйшаў на волю Малчанаў 13 ліпеня 2013 году.
Цяпер Малчанаў працуе на танкарамонтным заводзе ў Барысаве.