Падзеі і даты гэтага дня ў Беларусі, сьвеце, гісторыі.
ПАДЗЕІ ДНЯ
Менск, у штаб-кватэры БНФ – прэзэнтацыя кнігі Анатоля Лябедзькі «108 дзён i начэй у засьценках КДБ», якая выйшла ў сэрыі «Бібліятэка Свабоды. XXI стагодзьдзе». Пачатак а 19-ай.
Іран, інспэктары ААН наведаюць ядзерны аб'ект у Араку.
ТАКСАМА Ў ГЭТЫ ДЗЕНЬ:
1976 – заснаваньне Беларускага дзяржаўнага музэю народнай архітэктуры і побыту.
1981 – у Менску адкрыўся помнік клясыку беларускай літаратуры Максіму Багдановічу.
1990 – Лех Валэнса атрымаў перамогу на прэзыдэнцкіх выбарах у Польшчы.
У гэты дзень нарадзіліся
1842 – Пётр Крапоткін, расейскі тэарэтык анархізму, гісторык, літаратар.
1891 – Максім Багдановіч, беларускі паэт (памёр у 1917).
У гэты дзень памерлі
1268 – Войшалк, вялікі князь літоўскі.
1974 – Янка Шутовіч, беларускі рэдактар, літаратуразнавец, выдавец.
ЦЫТАТА НА ПАМЯЦЬ
Усё лятуць і лятуць тыя коні,
Срэбнай збруяй далёка грымяць...
Старадаўняй Літоўскай Пагоні
Не разьбіць, не спыніць, не стрымаць.
Максім Багдановіч