Лідэр Кіргізстана Алмазбек Атамбаеў не задаволены пазыцыяй афіцыйнага Менска, які ня хоча выдаваць зрынутага прэзыдэнта краіны Курманбека Бакіева, асуджанага на радзіме.
Напярэдадні саміту Атамбаеў заявіў у інтэрвію мясцовай прэсе, што беларускія ўлады пакрываюць арганізатараў нядаўніх сутыкненьняў на поўдні Кіргізстану.
Замест прэзыдэнта на саміце СНД ў Менску Кіргізстан будзе прадстаўляць першы віцэ-прэм’ер ураду Джамарт Атарбаеў. Пра гэта паведаміла РІА «Новости» са спасылкай на аддзел інфармацыйнага забесьпячэньня апарату ўраду Кіргізстана.
У прэсавай службе кіраўніка кіргіскай дзяржавы не растлумачылі прычыну адсутнасьці прэзыдэнта Алмазбека Атамбаева на самітах ў Менску, сказаўшы толькі, што Атарбаеў раней ужо прадстаўляў Кіргізстан на пасяджэньні кіраўнікоў дзяржаў СНД у Ашхабадзе.
У красавіку 2010 году ў Кіргізстане зрынулі былога прэзыдэнта Курманбека Бакіева. Падчас тых падзей загінулі каля 90 чалавек, каля тысячы атрымалі раненьні. Курманбек Бакіеў, яго брат Жаныбек, сын Марат і іншыя набліжаныя завочна былі абвінавачаныя ў масавым забойстве, зьвязаным зь перавышэньнем службовых паўнамоцтваў, і абвешчаныя ў міжнародны вышук.
Курманбек Бакіеў зь неафіцыйнай жонкай і дваімі дзецьмі прыехаў у Беларусь на асабістае запрашэньне Аляксандра Лукашэнкі 19 красавіка 2010 году.
Новыя ўлады Кіргізстана неаднаразова зьвярталіся ў Генпракуратуру Беларусі з просьбай аб выдачы Бакіева, але атрымлівалі адмову.
У жніўні 2012 пасол Кіргізстана быў адкліканы зь Менску.
Былы прэзыдэнт Кіргізстана Курманбек Бакіеў і яго малодшы брат Джаныбек Бакіеў завочна асуджаныя ваенным судом Бішкецкага гарнізону ў крымінальнай справе, зьвязанай з забойствам экс-кіраўніка адміністрацыі прэзыдэнта Мэдэта Садыркулава. Курманбек Бакіеў асуджаны на 24 гады з канфіскацыяй маёмасьці за злачынствы, зьвязаныя з злоўжываньнем службовым становішчам.
Бакіеў нядаўна зазначыў, што ён грамадзянін Беларусі з 2010 году і згодна з заканадаўствам экстрадыцыі не падлягае.
Замест прэзыдэнта на саміце СНД ў Менску Кіргізстан будзе прадстаўляць першы віцэ-прэм’ер ураду Джамарт Атарбаеў. Пра гэта паведаміла РІА «Новости» са спасылкай на аддзел інфармацыйнага забесьпячэньня апарату ўраду Кіргізстана.
У прэсавай службе кіраўніка кіргіскай дзяржавы не растлумачылі прычыну адсутнасьці прэзыдэнта Алмазбека Атамбаева на самітах ў Менску, сказаўшы толькі, што Атарбаеў раней ужо прадстаўляў Кіргізстан на пасяджэньні кіраўнікоў дзяржаў СНД у Ашхабадзе.
У красавіку 2010 году ў Кіргізстане зрынулі былога прэзыдэнта Курманбека Бакіева. Падчас тых падзей загінулі каля 90 чалавек, каля тысячы атрымалі раненьні. Курманбек Бакіеў, яго брат Жаныбек, сын Марат і іншыя набліжаныя завочна былі абвінавачаныя ў масавым забойстве, зьвязаным зь перавышэньнем службовых паўнамоцтваў, і абвешчаныя ў міжнародны вышук.
Курманбек Бакіеў зь неафіцыйнай жонкай і дваімі дзецьмі прыехаў у Беларусь на асабістае запрашэньне Аляксандра Лукашэнкі 19 красавіка 2010 году.
Новыя ўлады Кіргізстана неаднаразова зьвярталіся ў Генпракуратуру Беларусі з просьбай аб выдачы Бакіева, але атрымлівалі адмову.
У жніўні 2012 пасол Кіргізстана быў адкліканы зь Менску.
Былы прэзыдэнт Кіргізстана Курманбек Бакіеў і яго малодшы брат Джаныбек Бакіеў завочна асуджаныя ваенным судом Бішкецкага гарнізону ў крымінальнай справе, зьвязанай з забойствам экс-кіраўніка адміністрацыі прэзыдэнта Мэдэта Садыркулава. Курманбек Бакіеў асуджаны на 24 гады з канфіскацыяй маёмасьці за злачынствы, зьвязаныя з злоўжываньнем службовым становішчам.
Бакіеў нядаўна зазначыў, што ён грамадзянін Беларусі з 2010 году і згодна з заканадаўствам экстрадыцыі не падлягае.