Далей таньнець інтэрнэту перашкаджае прыхільнасьць беларусаў да замежных сайтаў.
Праблема імпартазамяшчэньня закранае ў Беларусі ня толькі тавары, але і інтэрнэт, паведаміў міністар сувязі і інфарматызацыі Мікалай Панцялей на «прамой лініі» ў газэце «СБ. Беларусь сегодня».
«У асноўным спажываецца замежны інтэрнэт-трафік. Шмат у чым гэта і вызначае высокі ўзровень коштаў», — пракамэнтаваў пэрспэктывы патаньненьня доступу ў інтэрнэт для беларусаў міністар сувязі. Пры гэтым, падкрэсьліў спадар Панцялей, «ён у нас пастаянна таньнее. Калі паглядзець на цэны пяцігадовай даўніны, то сёньня яны зьнізіліся практычна на два парадкі. Набліжаемся ўжо да стакротнага патаньненьня» .
Яшчэ хутчэй зьніжаць кошты інтэрнэту не выходзіць таму, што «ў нас у краіне не хапае ўласных інфармацыйных рэсурсаў. Калі ж карыстальнікаў, якія, да прыкладу, каб паглядзець фільм, шукаюць яго на расейскіх пляцоўках, удасца перацягнуць на беларускія рэсурсы, тады гэта стане для вас практычна бясплатным». Паводле словаў Мікалая Панцялея, над гэтай праблемай міністэрства цяпер працуе.
«У асноўным спажываецца замежны інтэрнэт-трафік. Шмат у чым гэта і вызначае высокі ўзровень коштаў», — пракамэнтаваў пэрспэктывы патаньненьня доступу ў інтэрнэт для беларусаў міністар сувязі. Пры гэтым, падкрэсьліў спадар Панцялей, «ён у нас пастаянна таньнее. Калі паглядзець на цэны пяцігадовай даўніны, то сёньня яны зьнізіліся практычна на два парадкі. Набліжаемся ўжо да стакротнага патаньненьня» .
Яшчэ хутчэй зьніжаць кошты інтэрнэту не выходзіць таму, што «ў нас у краіне не хапае ўласных інфармацыйных рэсурсаў. Калі ж карыстальнікаў, якія, да прыкладу, каб паглядзець фільм, шукаюць яго на расейскіх пляцоўках, удасца перацягнуць на беларускія рэсурсы, тады гэта стане для вас практычна бясплатным». Паводле словаў Мікалая Панцялея, над гэтай праблемай міністэрства цяпер працуе.