Пра гэта са Швэцыі паведаміла журналістка Юлія Лапіцкі.
Лапіцкі: Суд падзяліў пазыцыю абвінавачваньня. Суд прызнаў, што Вольга спрабавала забіць свайго мужа. У рашэньні суду адзначана, што падчас паседжаньня былі прадстаўленыя дзьве супрацьлеглыя вэрсіі таго, што здарылася ў тую ноч, і суд не паверыў у вэрсію Вольгі, але паверылі ў вэрсію Гёкая. Не было знойдзена ніякіх абставінаў, якія б палягчалі віну. Перадгісторыя адносінаў паміж Вольгай і Гёкаем не была прынятая да ўвагі.
Прысуд — восем гадоў турмы і выплата кампэнсацыі памерам 110 тысяч швэдзкіх крон (прыкладна 15 тысяч даляраў).