Сьледчаму камітэту Беларусі спатрэбілася яшчэ два месяцы на расьсьледаваньне справы былога дырэктара Белдзяржцырку Тацяны Бандарчук.
Справу завялі на пачатку чэрвеня, адведзеныя законам на папярэдняе расьсьледаваньне 2 месяцы прамінулі, і вось атрыманы дазвол на падаўжэньне расьсьледаваньня, паведаміў карэспандэнту Свабоды прадстаўнік Сьледчага камітэту Павал Траулька:
«Тэрмін расьсьледаваньня крымінальнай справы адносна былога дырэктара цырку Тацяны Бандарчук працягнуты да кастрычніка 2013 году».
Тацяну Бандарчук падазраюць у эканамічных і службовых злачынствах. Вядома, што былая дырэктарка не знаходзіцца пад вартай, а паводле позваў зьяўляецца на допыты ў Сьледчы камітэт. 10 чэрвеня, пасьля зьяўленьня зьвестак пра завядзеньне справы, Тацяна Бандарчук заявіла журналісту сайту tut.by: «Калі Дзяржкантроль вырашыў адкрыць крымінальную справу і мяне проста забіць, дык разьбярэцца кіраўнік дзяржавы — ён аб’ектыўны чалавек». З таго часу Тацяна Бандарчук сытуацыю не камэнтуе. Сын Тацьцяны Бандарчук Серж Бандарчук тады ж паведаміў карэспандэнту Свабоды, што стан здароўя ягонай маці «складаны» і яна не адказвае нават на ягоныя тэлефонныя званкі.
«Тэрмін расьсьледаваньня крымінальнай справы адносна былога дырэктара цырку Тацяны Бандарчук працягнуты да кастрычніка 2013 году».
Тацяну Бандарчук падазраюць у эканамічных і службовых злачынствах. Вядома, што былая дырэктарка не знаходзіцца пад вартай, а паводле позваў зьяўляецца на допыты ў Сьледчы камітэт. 10 чэрвеня, пасьля зьяўленьня зьвестак пра завядзеньне справы, Тацяна Бандарчук заявіла журналісту сайту tut.by: «Калі Дзяржкантроль вырашыў адкрыць крымінальную справу і мяне проста забіць, дык разьбярэцца кіраўнік дзяржавы — ён аб’ектыўны чалавек». З таго часу Тацяна Бандарчук сытуацыю не камэнтуе. Сын Тацьцяны Бандарчук Серж Бандарчук тады ж паведаміў карэспандэнту Свабоды, што стан здароўя ягонай маці «складаны» і яна не адказвае нават на ягоныя тэлефонныя званкі.