Заканчваецца праца над сэрыяй успамінаў старшыні «Вясны» Алеся Бяляцкага, якія зьвязаныя зь ягоным арыштам ў 2011 годзе.
Пра гэта «Свабодзе» паведаміла праваабаронца Алёна Лапцёнак зь «Вясны»:
«Гэта ўспаміны, разважаньні, пэўны аналіз тых падзеяў, якія папярэднічалі ягонаму арышту. Там ідзе і пра падзеі 19 сьнежня 2010 году, і пра ператрусы ў „Вясьне“, якія адбыліся неўзабаве. Вельмі цікавыя ўспаміны, тым больш цікава азнаёміцца зь імі тым, хто ў іх удзельнічаў — бо ў Алеся свой, вельмі арыгінальны позірк. Ён даслаў мне апошні кавалак гэтых успамінаў, і зараз ідзе іх падрыхтоўка да друку — спачатку ў інтэрнэце, а потым, магчыма, і асобнай кнігай. У дадзены момант чакаю ад яго канчатковых заўваг на тое, што ўжо мной зроблена зь ягонымі лістамі. Верагодна, што першыя часткі ўспамінаў зьявяцца ў інтэрнэце яшчэ да 4 жніўня — дня, калі 2 гады таму Алеся арыштавалі».
Сёлета з друку выйшаў зборнік літаратуразнаўчых артыкулаў Алеся Бяляцкага «Асьвечаныя Беларушчынай». Частку артыкулаў гэтай кнігі склалі творы, напісаныя ў бабруйскай калёніі, дзе трымаюць вядомага праваабаронцу.
Алесь Бяляцкі асуджаны на 4,5 году зьняволеньня паводле абвінавачаньня ў утойваньні прыбыткаў з-за мяжы. Праваабаронца даводзіў у судзе, што атрыманыя ім грошы ішлі на падтрымку ахвяраў палітычных рэпрэсій у Беларусі. Дэмакратычная грамадзкасьць краіны, праваабаронцы сьвету патрабуюць ад беларускіх уладаў вызваленьня Алеся Бяляцкага, якога лічаць палітычным вязьнем.
«Гэта ўспаміны, разважаньні, пэўны аналіз тых падзеяў, якія папярэднічалі ягонаму арышту. Там ідзе і пра падзеі 19 сьнежня 2010 году, і пра ператрусы ў „Вясьне“, якія адбыліся неўзабаве. Вельмі цікавыя ўспаміны, тым больш цікава азнаёміцца зь імі тым, хто ў іх удзельнічаў — бо ў Алеся свой, вельмі арыгінальны позірк. Ён даслаў мне апошні кавалак гэтых успамінаў, і зараз ідзе іх падрыхтоўка да друку — спачатку ў інтэрнэце, а потым, магчыма, і асобнай кнігай. У дадзены момант чакаю ад яго канчатковых заўваг на тое, што ўжо мной зроблена зь ягонымі лістамі. Верагодна, што першыя часткі ўспамінаў зьявяцца ў інтэрнэце яшчэ да 4 жніўня — дня, калі 2 гады таму Алеся арыштавалі».
Сёлета з друку выйшаў зборнік літаратуразнаўчых артыкулаў Алеся Бяляцкага «Асьвечаныя Беларушчынай». Частку артыкулаў гэтай кнігі склалі творы, напісаныя ў бабруйскай калёніі, дзе трымаюць вядомага праваабаронцу.
Алесь Бяляцкі асуджаны на 4,5 году зьняволеньня паводле абвінавачаньня ў утойваньні прыбыткаў з-за мяжы. Праваабаронца даводзіў у судзе, што атрыманыя ім грошы ішлі на падтрымку ахвяраў палітычных рэпрэсій у Беларусі. Дэмакратычная грамадзкасьць краіны, праваабаронцы сьвету патрабуюць ад беларускіх уладаў вызваленьня Алеся Бяляцкага, якога лічаць палітычным вязьнем.