Менчукі, абураныя праектам будаўніцтва шматпавярховага гатэлю ў гістарычным цэнтры гораду, выказалі свае прэтэнзіі на грамадзкіх слуханьнях у Адміністрацыі Маскоўскага раёну сталіцы.
16-павярховы гатэль Aras Palace плянуецца пабудаваць на скрыжаваньні вуліц Гарадзкі Вал і Валадарскага. У ім будзе спа-цэнтар, летняя кавярня, некалькі парковак і казыно.
Жыхары вакольных дамоў адмоўна ставяцца да праекту. Найбольш іх непакояць магчымыя зьмены аблічча гэтага раёну — меркаваны гатэль вельмі адрозьніваецца ад суседніх дамоў па стылі і значна вышэйшы.
«У нас ня будзе сьвятла ў кватэрах з-за такога высокага будынку. Дзеці будуць гуляць ля казыно, у якім п’яныя будуць мацюкацца, ня будзе дзе паставіць машыну. Няхай бы пад зямлёй будавалі свой гатэль!» — абураецца адна з тутэйшых жыхарак.
Галоўны архітэктар прадстаўленага на слуханьнях праекту Аляксандар Цэйтлін абумовіў неабходнасьць будаўніцтва такога высокага будынку фінансавымі чыньнікамі:
«Мы пралічылі, што будаваць гатэль менш чым на 180 нумароў эканамічна немэтазгодна, таму паводле праекту гатэль будзе даволі высокі».
Старшыня Беларускага таварыства аховы помнікаў гісторыі і культуры Антон Астаповіч у сваім выступе адзначыў, што ня толькі будаўніцтва, але і складаньне праекту гатэлю незаконнае, бо дадзеная тэрыторыя ўяўляе сабой гісторыка-культурную каштоўнасьць. Раней на гэтым месцы стаяла жаночая гарадзкая гімназія, у якой вучылася акторка Стэфанія Станюта.
Інвэстар праекту, грамадзянін Баўгарыі Філіп Ісаеў, сказаў, што месца пад будаўніцтва яму прапанавала кіраўніцтва Менску.
Жыхары вакольных дамоў адмоўна ставяцца да праекту. Найбольш іх непакояць магчымыя зьмены аблічча гэтага раёну — меркаваны гатэль вельмі адрозьніваецца ад суседніх дамоў па стылі і значна вышэйшы.
«У нас ня будзе сьвятла ў кватэрах з-за такога высокага будынку. Дзеці будуць гуляць ля казыно, у якім п’яныя будуць мацюкацца, ня будзе дзе паставіць машыну. Няхай бы пад зямлёй будавалі свой гатэль!» — абураецца адна з тутэйшых жыхарак.
Галоўны архітэктар прадстаўленага на слуханьнях праекту Аляксандар Цэйтлін абумовіў неабходнасьць будаўніцтва такога высокага будынку фінансавымі чыньнікамі:
«Мы пралічылі, што будаваць гатэль менш чым на 180 нумароў эканамічна немэтазгодна, таму паводле праекту гатэль будзе даволі высокі».
Аляксандар Цэйтлін прэзэнтуе праект
Старшыня Беларускага таварыства аховы помнікаў гісторыі і культуры Антон Астаповіч у сваім выступе адзначыў, што ня толькі будаўніцтва, але і складаньне праекту гатэлю незаконнае, бо дадзеная тэрыторыя ўяўляе сабой гісторыка-культурную каштоўнасьць. Раней на гэтым месцы стаяла жаночая гарадзкая гімназія, у якой вучылася акторка Стэфанія Станюта.
Антон Астаповіч (зьлева)
Інвэстар праекту, грамадзянін Баўгарыі Філіп Ісаеў, сказаў, што месца пад будаўніцтва яму прапанавала кіраўніцтва Менску.
Філіп Ісаеў