Лунінецкі суд пастанавіў спагнаць на карысьць кіраўніка суполкі незалежнага прафсаюзу Алега Стахаевіча 865 тысяч рублёў зь мікашэвіцкага прадпрыемства «Граніт».
Алег Стахаевіч паведаміў «Свабодзе», што падаваў пазоў, каб спагнаць з «Граніту» 2 мільёны 300 тысяч рублёў за пратэрміноўку канчатковага разьліку і за няпоўны разьлік. Суд задаволіў пазоў часткова. Стахаевіч лічыць гэта перамогай:
«Прадстаўнік адказчыка адстойваў пазыцыю, што „Граніт“ мне ўвогуле нічога ня вінен. Аднак судзьдзя Міхаіл Дзенісовіч усё ж пацьвердзіў, што парушэньні пры разьліку былі. Пасьля таго як звольнены Мікалай Карышаў адсудзіў у „Граніту“ пэўную суму, мы лічым сёньняшні суд яшчэ адной нашай перамогай».
На пачатку судовага паседжаньня Алег Стахаевіч хадайнічаў аб адводзе судзьдзі Міхаіла Дзенісовіча:
«Ён судзіў мяне тады яшчэ, падчас гісторыі з маімі правамі кіроўцы. Потым вёў паседжаньне наконт дысцыплінарных спагнаньняў Мікалая Карышава. І трэцяя прычына адводу — тое, што зь яго ініцыятывы мяне незаконна ў суд не пусьцілі. Аднак адвод судзьдзя адхіліў».
Паседжаньне па справе аб спагнаньні з «Граніту» разьліку на карысьць Алега Стахаевіча павінна было прайсьці 30 жніўня. Аднак у той дзень міліцыянт не прапусьціў прафсаюзнага актывіста ў будынак суду, патлумачыўшы, што Стахаевіч быў у шортах.
Напрыканцы 2011 году некалькі соцень працаўнікоў прадпрыемства па здабычы будаўнічага каменю «Граніт» у Мікашэвічах напісалі заявы, што выходзяць з афіцыйнага прафсаюзу. Рабочыя абвясьцілі, што ствараюць на прадпрыемстве суполку Беларускага незалежнага прафсаюзу. Адразу ж сябры незалежнага прафсаюзу адчулі ціск на сябе з боку адміністрацыі.
З прадпрыемства звольненыя актывісты БНП Алег Стахаевіч, Мікалай Карышаў, Генадзь Паўлоўскі, Людміла Літвінка, Віталь Пашэчка.
«Прадстаўнік адказчыка адстойваў пазыцыю, што „Граніт“ мне ўвогуле нічога ня вінен. Аднак судзьдзя Міхаіл Дзенісовіч усё ж пацьвердзіў, што парушэньні пры разьліку былі. Пасьля таго як звольнены Мікалай Карышаў адсудзіў у „Граніту“ пэўную суму, мы лічым сёньняшні суд яшчэ адной нашай перамогай».
На пачатку судовага паседжаньня Алег Стахаевіч хадайнічаў аб адводзе судзьдзі Міхаіла Дзенісовіча:
«Ён судзіў мяне тады яшчэ, падчас гісторыі з маімі правамі кіроўцы. Потым вёў паседжаньне наконт дысцыплінарных спагнаньняў Мікалая Карышава. І трэцяя прычына адводу — тое, што зь яго ініцыятывы мяне незаконна ў суд не пусьцілі. Аднак адвод судзьдзя адхіліў».
Паседжаньне па справе аб спагнаньні з «Граніту» разьліку на карысьць Алега Стахаевіча павінна было прайсьці 30 жніўня. Аднак у той дзень міліцыянт не прапусьціў прафсаюзнага актывіста ў будынак суду, патлумачыўшы, што Стахаевіч быў у шортах.
Напрыканцы 2011 году некалькі соцень працаўнікоў прадпрыемства па здабычы будаўнічага каменю «Граніт» у Мікашэвічах напісалі заявы, што выходзяць з афіцыйнага прафсаюзу. Рабочыя абвясьцілі, што ствараюць на прадпрыемстве суполку Беларускага незалежнага прафсаюзу. Адразу ж сябры незалежнага прафсаюзу адчулі ціск на сябе з боку адміністрацыі.
З прадпрыемства звольненыя актывісты БНП Алег Стахаевіч, Мікалай Карышаў, Генадзь Паўлоўскі, Людміла Літвінка, Віталь Пашэчка.