У Рагачове раённая падатковая інспэкцыя склала два пратаколы на актывіста кампаніі «Гавары праўду», рэдактара незалежнага сайту vrogacheve.ru Дзяніса Дашкевіча.
Дашкевіч: «Пратаколы складзеныя на падставе апытаньня, якое было зроблена 23 жніўня мясцовым аддзелам УКДБ. Мяне вінавацяць у незаконным прыняцьці замежнай валюты ў якасьці плацёжнага сродку, а таксама ў занятку забароненым відам дзейнасьці. Мінімальны штраф паводле двух артыкулаў — 9 мільёнаў, максымальны — 20 мільёнаў рублёў. У падатковай інспэкцыі мне сказалі, што пратаколы перашлюць для разгляду ў гаспадарчы суд Гомельскай вобласьці».
У жніўні мясцовыя супрацоўнікі УКДБ апытвалі спадара Дашкевіча, ягоную жонку й яшчэ двух чалавек, якія дапамагаюць актывісту рабіць незалежны сайт vrogacheve.ru, наконт арганізацыі ў Рагачове вясельля. Тады й закраналася пытаньне пра плату за вясельле валютай.
Будучы ў свой час індывідуальным прадпрымальнікам, Дзяніс арганізоўваў такія сьвяты, але з траўня ён спыніў сваю прадпрымальніцкую дзейнасьць.
Напярэдадні выкліку ў КДБ Рагачоўская акруговая камісія № 45 не зарэгістравала Дзяніса Дашкевіча кандыдатам у дэпутаты Палаты прадстаўнікоў на той падставе, што ў яго большасьць подпісаў несапраўдныя. Актывіст палічыў бессэнсоўным аспрэчваць рашэньне камісіі пра нерэгістрацыю. Заявіў толькі, што не зьбіраецца спыняць сваю грамадзкую дзейнасьць.
У жніўні мясцовыя супрацоўнікі УКДБ апытвалі спадара Дашкевіча, ягоную жонку й яшчэ двух чалавек, якія дапамагаюць актывісту рабіць незалежны сайт vrogacheve.ru, наконт арганізацыі ў Рагачове вясельля. Тады й закраналася пытаньне пра плату за вясельле валютай.
Будучы ў свой час індывідуальным прадпрымальнікам, Дзяніс арганізоўваў такія сьвяты, але з траўня ён спыніў сваю прадпрымальніцкую дзейнасьць.
Напярэдадні выкліку ў КДБ Рагачоўская акруговая камісія № 45 не зарэгістравала Дзяніса Дашкевіча кандыдатам у дэпутаты Палаты прадстаўнікоў на той падставе, што ў яго большасьць подпісаў несапраўдныя. Актывіст палічыў бессэнсоўным аспрэчваць рашэньне камісіі пра нерэгістрацыю. Заявіў толькі, што не зьбіраецца спыняць сваю грамадзкую дзейнасьць.