Эквадор разглядае справу аб скасаваньні палітычнага прытулку беларускаму грамадзяніну былому міліцыянту Аляксандру Баранкову. Калі статус палітычнага ўцекача будзе скасаваны, Баранкоў можа быць выдадзены ў Беларусь паводле запыту, які МУС Беларусі накіраваў у Інтэрпол.
СМІ прыгадваюць справу Баранкова ў сувязі палітычным прытулкам Джуліану Асанджу, заснавальніку парталу Wikileaks.
Аляксандр Баранкоў – былы афіцэр беларускай міліцыі, зьехаў зь Беларусі ў ліпені 2009 году.
Баранкоў сьцвяржае, што падчас службы ў міліцыі ён выкрыў карупцыю ў праваахоўных органах Беларусі. У заяве на атрыманьне статусу ўцекача ў Эквадоры ён распавёў, што ў Беларусі быў капітанам міліцыі, супрацоўнікам аддзелу, які займаўся сачэньнем за супрацоўнікамі замежных амбасадаў і звычайнымі грамадзянамі. Ён заявіў, што добра дасьведчаны аб фактах карупцыі ў вышэйшых афіцыйных колах сваёй краіны, а яго ўцёкі з Беларусі ў 2009 годзе былі зьвязаныя з нязгодай з палітыкай, якая праводзіцца Лукашэнкам. У чэрвені 2010 году ён атрымаў у Эквадоры статус палітычнага ўцекача.
Яшчэ ў сярэдзіне 2009 году супраць Баранкова ў Беларусі была распачатая крымінальная справа па абвінавачваньні ў атрыманьні хабару і махлярстве, у лістападзе 2009 году дадалося абвінавачваньне ў дзяржаўнай здрадзе. Запыт на яго вышук быў перададзены ў Інтэрпол.
У 2010 годзе Беларусь падала запыт на выдачу Баранкова з Эквадору. Беларускі ўцякач утрымліваўся пад вартай з 1 чэрвеня 2010 па 22 ліпеня 2010 года. Аднак запыт аб экстрадыцыі быў адхілены Нацыянальным судом 28 кастрычніка 2011 году.
Баранкоў быў ізноў затрыманы ў чэрвені 2012-га, незадоўга да візыту ў Эквадор Аляксандра Лукашэнкі. Паліцыя Эквадору затрымала яго для праверкі юрыдычнага статусу знаходжаньня ў краіне. Дакумэнты на наданьне Баранкову статусу уцекача, атрыманага 27 чэрвеня 2010 г. (ён прыбыў у краіну ў кастрычніку 2009 года), у цяперашні час правяраюцца супрацоўнікамі МЗС, а пытаньне аб экстрадыцыі Баранкова на радзіму павінен вырашыць на днях старшыня Нацыянальнага суду Эквадора (CJ).У цяперашні час Баранкоў знаходзіцца ў крымінальнай турме Гарсія Марэна (Кіта).
Зараз справу ўцекача з Беларусі разглядае таксама Міжамэрыканская камісія па правах чалавека.
Інтэрнэт-партал rusecuador.ru адзначае, што Эквадор ня можа высылаць з краіны замежніка, які атрымалі афіцыйны статус уцекача. Адказ Міністэрства замежных спраў адназначны: спачатку неабходна знайсьці падставы для адмены гэтага статусу, і толькі пасьля гэтага можа ісьці гаворка аб экстрадыцыі ў краіну, якая хадайнічае аб гэтым, што вырашаецца толькі ў судовым парадку. Аднак статус уцекача можа быць скасаваны, у тым ліку, і ў выпадку, калі эквадорскім уладам стане вядома, што выезд з краіны паходжаньня або пражываньня ўцекача быў зьвязаны з ухіленьнем ад правасудзьдзя, у прыватнасьці, у сувязі з учыненьнем крымінальнага злачынства. Нешта падобнае ўжо адбывалася з расейскім грамадзянінам, які ў пачатку гэтага года быў высланы ў Маскву пасьля таго, як статус яго статус уцекача ў Эквадоры быў ануляваны.
Аляксандр Баранкоў працягвае настойваць, што яго знаходжаньне ў Эквадоры зьвязана з палітычным перасьледам, таму яго статус уцекача скасаваньню не падлягае.
Аляксандр Баранкоў – былы афіцэр беларускай міліцыі, зьехаў зь Беларусі ў ліпені 2009 году.
Баранкоў сьцвяржае, што падчас службы ў міліцыі ён выкрыў карупцыю ў праваахоўных органах Беларусі. У заяве на атрыманьне статусу ўцекача ў Эквадоры ён распавёў, што ў Беларусі быў капітанам міліцыі, супрацоўнікам аддзелу, які займаўся сачэньнем за супрацоўнікамі замежных амбасадаў і звычайнымі грамадзянамі. Ён заявіў, што добра дасьведчаны аб фактах карупцыі ў вышэйшых афіцыйных колах сваёй краіны, а яго ўцёкі з Беларусі ў 2009 годзе былі зьвязаныя з нязгодай з палітыкай, якая праводзіцца Лукашэнкам. У чэрвені 2010 году ён атрымаў у Эквадоры статус палітычнага ўцекача.
Яшчэ ў сярэдзіне 2009 году супраць Баранкова ў Беларусі была распачатая крымінальная справа па абвінавачваньні ў атрыманьні хабару і махлярстве, у лістападзе 2009 году дадалося абвінавачваньне ў дзяржаўнай здрадзе. Запыт на яго вышук быў перададзены ў Інтэрпол.
У 2010 годзе Беларусь падала запыт на выдачу Баранкова з Эквадору. Беларускі ўцякач утрымліваўся пад вартай з 1 чэрвеня 2010 па 22 ліпеня 2010 года. Аднак запыт аб экстрадыцыі быў адхілены Нацыянальным судом 28 кастрычніка 2011 году.
Баранкоў быў ізноў затрыманы ў чэрвені 2012-га, незадоўга да візыту ў Эквадор Аляксандра Лукашэнкі. Паліцыя Эквадору затрымала яго для праверкі юрыдычнага статусу знаходжаньня ў краіне. Дакумэнты на наданьне Баранкову статусу уцекача, атрыманага 27 чэрвеня 2010 г. (ён прыбыў у краіну ў кастрычніку 2009 года), у цяперашні час правяраюцца супрацоўнікамі МЗС, а пытаньне аб экстрадыцыі Баранкова на радзіму павінен вырашыць на днях старшыня Нацыянальнага суду Эквадора (CJ).У цяперашні час Баранкоў знаходзіцца ў крымінальнай турме Гарсія Марэна (Кіта).
Зараз справу ўцекача з Беларусі разглядае таксама Міжамэрыканская камісія па правах чалавека.
Інтэрнэт-партал rusecuador.ru адзначае, што Эквадор ня можа высылаць з краіны замежніка, які атрымалі афіцыйны статус уцекача. Адказ Міністэрства замежных спраў адназначны: спачатку неабходна знайсьці падставы для адмены гэтага статусу, і толькі пасьля гэтага можа ісьці гаворка аб экстрадыцыі ў краіну, якая хадайнічае аб гэтым, што вырашаецца толькі ў судовым парадку. Аднак статус уцекача можа быць скасаваны, у тым ліку, і ў выпадку, калі эквадорскім уладам стане вядома, што выезд з краіны паходжаньня або пражываньня ўцекача быў зьвязаны з ухіленьнем ад правасудзьдзя, у прыватнасьці, у сувязі з учыненьнем крымінальнага злачынства. Нешта падобнае ўжо адбывалася з расейскім грамадзянінам, які ў пачатку гэтага года быў высланы ў Маскву пасьля таго, як статус яго статус уцекача ў Эквадоры быў ануляваны.
Аляксандр Баранкоў працягвае настойваць, што яго знаходжаньне ў Эквадоры зьвязана з палітычным перасьледам, таму яго статус уцекача скасаваньню не падлягае.