Сустаршыня Беларускай хрысьціянскай дэмакратыі, палітвязень Павал Севярынец напісаў дзьве скаргі ў Дэпартамэнт выкананьня пакараньняў МУС і Генэральную пракуратуру на тое, што палітвязьням Яўгену Васьковічу і Міколу Статкевічу без тлумачэньня прычынаў забаранілі зь ім перапіску.
Павал Севярынец патрабуе аднавіць перапіску з Васьковічам і Статкевічам, а таксама пакараць цэнзараў, якія парушаюць закон, паведамляе БХД.
«У лістах — словы падтрымкі і цытаты зь Бібліі. Няўжо з сталінскіх часоў у турмах нічога не зьмянілася і хрысьціянства па-ранейшаму пад забаронай?» — пытаецца ў сваіх зваротах палітык.
Палітвязьню, былому кандыдату ў прэзыдэнты Мікалаю Статкевічу і актывісту БХД, палітвязьню Яўгену Васьковічу забаранілі ліставацца з Паўлам Севярынцам. Жонка Мікалая Статкевіча Марына Адамовіч апавяла, што яе мужу перадалі капэрту, дзе замест ліста ад Севярынца ляжаў аркуш, на якім было напісана, што перапіска забаронена.
Павал Севярынец патрабуе аднавіць перапіску з Васьковічам і Статкевічам, а таксама пакараць цэнзараў, якія парушаюць закон, паведамляе БХД.
«У лістах — словы падтрымкі і цытаты зь Бібліі. Няўжо з сталінскіх часоў у турмах нічога не зьмянілася і хрысьціянства па-ранейшаму пад забаронай?» — пытаецца ў сваіх зваротах палітык.
Палітвязьню, былому кандыдату ў прэзыдэнты Мікалаю Статкевічу і актывісту БХД, палітвязьню Яўгену Васьковічу забаранілі ліставацца з Паўлам Севярынцам. Жонка Мікалая Статкевіча Марына Адамовіч апавяла, што яе мужу перадалі капэрту, дзе замест ліста ад Севярынца ляжаў аркуш, на якім было напісана, што перапіска забаронена.