8 жніўня старшыня Гомельскай абласной арганізацыі АГП Васіль Палякоў атрымаў паштоўку з падзякай ад Алеся Бяляцкага, які цяпер у Бабруйскай турме.
Палітвязень піша: «Дзякуй за віншаваньне зь незалежнасьцю. Будзем памятаць, што ўдача і посьпех гэтай задумы залежыць ад нашай нястомнасьці, рупнасьці і ахвярнасьці. Бог з намі, а хто ж тады супраць нас? Прывітаньне сябрам. Да сустрэчы, Алесь».
Як паведамлялася, да Дня незалежнасьці Беларусі, які дэмакратычная супольнасьць адзначае 27 ліпеня, гомельскія актывісты накіравалі ўсім чатырнаццаці беларускім палітвязьням віншавальныя паштоўкі. У іх, у прыватнасьці, гаварылася: «Лёгіка падзеяў і здаровы сэнс гавораць пра тое, што „Свабода“ абавязкова вернецца ў Беларусь, а незалежнасьць краіны стане велізарнай каштоўнасьцю ўсяго беларускага народу. Ваша ахвяра будуе падмурак Вольнай і Незалежнай Беларусі. Разам мы пераможам!»
Пацьверджаньне, што віншаваньне атрымана, прыйшло пакуль толькі ад Алеся Бяляцкага. Ён, як і іншыя палітвязьні, ня трапіў пад сёлетнюю амністыю, абвешчаную ўладамі да афіцыйнага Дня незалежнасьці.
Як паведамлялася, да Дня незалежнасьці Беларусі, які дэмакратычная супольнасьць адзначае 27 ліпеня, гомельскія актывісты накіравалі ўсім чатырнаццаці беларускім палітвязьням віншавальныя паштоўкі. У іх, у прыватнасьці, гаварылася: «Лёгіка падзеяў і здаровы сэнс гавораць пра тое, што „Свабода“ абавязкова вернецца ў Беларусь, а незалежнасьць краіны стане велізарнай каштоўнасьцю ўсяго беларускага народу. Ваша ахвяра будуе падмурак Вольнай і Незалежнай Беларусі. Разам мы пераможам!»
Пацьверджаньне, што віншаваньне атрымана, прыйшло пакуль толькі ад Алеся Бяляцкага. Ён, як і іншыя палітвязьні, ня трапіў пад сёлетнюю амністыю, абвешчаную ўладамі да афіцыйнага Дня незалежнасьці.