З заклікам аказаць падтрымку апазыцыянерам Сіда зьвярнуўся, як ён выказаўся, да «арабскіх братоў і сябраў Свабоднай сырыйскай арміі».
«Неабходная дапамога, якая дазволіць людзям абараніць сябе ад тых, хто іх забівае», — падкрэсьліў апазыцыйны лідэр.
У суботу, па паведамленьнях, урадавыя войскі пачалі маштабны наступ супраць паўстанцаў у горадзе Алепа, на поўначы Сырыі, дзе баі працягваюцца ўжо некалькі дзён. Войскі выкарыстоўваюць танкі, самалёты, баявыя верталёты. Сутыкненьні адбываліся ўчора таксама ў горадзе Хомс, у населеных пунктах правінцыяў Хама і Дэраа.
Паступаюць зьвесткі, што цяжкія страты нясуць як паўстанцы, так і урадавыя вайскоўцы. Па дадзеных праваабаронцаў, у Алепа ў суботу былі забітыя 29 чалавек, па ўсёй краіне — ня менш за 90.