Улады Беларусі маюць намер увесьці «на поўную моц» сьпіс невыязных грамадзян, паведаміў у інтэрвію тэлеканалу «Russia today» Аляксандар Лукашэнка.
На пытаньне, ці створаны такі сьпіс, Лукашэнка адказаў:
«А мы зрабілі. І то мы яго яшчэ не ўвялі. На поўную моц яшчэ не ўвялі. Але ўвядзем».
Ён абвінаваціў апазыцыянэраў у падбухторваньні Захаду да ўвядзеньня санкцыяў у дачыненьні да беларускіх чыноўнікаў, бізнэсмэнаў і прадпрыемстваў:
«Гэта яны падкідаюць Захаду прозьвішчы, арганізацыі, прадпрыемствы і настойваюць на ўвядзеньні эканамічных санкцыяў. Яны», — падкрэсьліў кіраўнік беларускай дзяржавы.
На просьбу пракамэнтаваць забарону на выезд з краіны экс-сьпікера парлямэнту Беларусі Станіслава Шушкевіча Лукашэнка сказаў:
«Што тычыцца „выпусьцілі — ня выпусьцілі “. Сёньня ў Эўразьвязе прыняты сьпіс так званых „неўязных“, дзе і ваш пакорны слуга, і гэтак далей, і да таго падобнае. Гэты сьпіс прыняты з падачы нашай пятай калёны, якую ўзначальвае адзін зь яе кіраўнікоў — Станіслаў Станіслававіч Шушкевіч. Шушкевіч цяпер у вас робіцца ў РФ героем, ледзь ня кожны дзень на ўсіх каналах. Толькі вы не забывайце, што пры Шушкевічу ўсіх расейцаў пасадзілі на чамаданы. Яны ўжо ўсіх падзялілі: вось беларус, рускі, паляк. І калі б ня дрэнны Лукашэнка, то расейцам бы рабіць ужо ў Беларусі не было чаго. Вы гэта не забывайце. А што тычыцца яго палітыкі — ну, аднаго досыць акту, калі ён і Краўчук настойвалі перад Ельцыным на развале Савецкага Саюзу. Я ведаю занадта шмат пра Шушкевіча, і дастаткова было аднаго факту, каб ён зачыніўся на ўсё астатняе жыцьцё. Але я гэтага не рабіў і рабіць ня буду», — сказаў ён.
У мінулую нядзелю Станіслава Шушкевіча ня выпусьцілі ў Літву.
«А мы зрабілі. І то мы яго яшчэ не ўвялі. На поўную моц яшчэ не ўвялі. Але ўвядзем».
Ён абвінаваціў апазыцыянэраў у падбухторваньні Захаду да ўвядзеньня санкцыяў у дачыненьні да беларускіх чыноўнікаў, бізнэсмэнаў і прадпрыемстваў:
«Гэта яны падкідаюць Захаду прозьвішчы, арганізацыі, прадпрыемствы і настойваюць на ўвядзеньні эканамічных санкцыяў. Яны», — падкрэсьліў кіраўнік беларускай дзяржавы.
На просьбу пракамэнтаваць забарону на выезд з краіны экс-сьпікера парлямэнту Беларусі Станіслава Шушкевіча Лукашэнка сказаў:
«Што тычыцца „выпусьцілі — ня выпусьцілі “. Сёньня ў Эўразьвязе прыняты сьпіс так званых „неўязных“, дзе і ваш пакорны слуга, і гэтак далей, і да таго падобнае. Гэты сьпіс прыняты з падачы нашай пятай калёны, якую ўзначальвае адзін зь яе кіраўнікоў — Станіслаў Станіслававіч Шушкевіч. Шушкевіч цяпер у вас робіцца ў РФ героем, ледзь ня кожны дзень на ўсіх каналах. Толькі вы не забывайце, што пры Шушкевічу ўсіх расейцаў пасадзілі на чамаданы. Яны ўжо ўсіх падзялілі: вось беларус, рускі, паляк. І калі б ня дрэнны Лукашэнка, то расейцам бы рабіць ужо ў Беларусі не было чаго. Вы гэта не забывайце. А што тычыцца яго палітыкі — ну, аднаго досыць акту, калі ён і Краўчук настойвалі перад Ельцыным на развале Савецкага Саюзу. Я ведаю занадта шмат пра Шушкевіча, і дастаткова было аднаго факту, каб ён зачыніўся на ўсё астатняе жыцьцё. Але я гэтага не рабіў і рабіць ня буду», — сказаў ён.
У мінулую нядзелю Станіслава Шушкевіча ня выпусьцілі ў Літву.