Прадстаўнікі Нямецкай асацыяцыі лесьбіянак і геяў (LSVD) выказалі абурэньне ў сувязі з апошнімі выказваньнямі прэзыдэнта Аляксандра Лукашэнкі на адрас кіраўніка МЗС ФРГ Гіда Вэстэрвэле.
Як адзначыў у інтэрвію нямецкаму радыё PRIDE1 адзін зь лідэраў LSVD Гэльмут Мэльцнэр, Лукашэнка прадэманстраваў сябе ня толькі «нізкапробным пашляком», але і «дзікім гамафобам», а «такія праявы ў 21 стагодзьдзі проста недапушчальныя».
Напярэдадні адмысловую заяву ў сувязі з гамафобскімі выпадамі беларускага кіраўніка зрабілі і прадстаўнікі нямецкага ўраду. Прэсавы сакратар Штэфан Зайбэрт адзначыў абуранасьць Бэрліну і дадаў, што выпад Лукашэнкі ў бок Вэстэрвэле чарговым разам сьведчыць пра стаўленьне беларускага кіраўніка да асноўных правоў чалавека.
Напярэдадні адмысловую заяву ў сувязі з гамафобскімі выпадамі беларускага кіраўніка зрабілі і прадстаўнікі нямецкага ўраду. Прэсавы сакратар Штэфан Зайбэрт адзначыў абуранасьць Бэрліну і дадаў, што выпад Лукашэнкі ў бок Вэстэрвэле чарговым разам сьведчыць пра стаўленьне беларускага кіраўніка да асноўных правоў чалавека.