Улады Францыі расчараваныя рашэньнем беларускага суду, які пакінуў бязь зьменаў прысуд праваабаронцу Алесю Бяляцкаму.
«Францыя асуджае рашэньне суду пацьвердзіць прысуд на 4,5 года турмы Алесю Бяляцкаму за дзеяньні, зьвязаныя з барацьбой за правы чалавека», — заявіў прадстаўнік французскага МЗС Бэрнар Валеро.
«Францыя заклікае Беларусь вярнуць свабоду ўсім людзям, якія апынуліся за кратамі праз свае палітычныя перакананьні або з-за таго, што яны абараняюць грамадзянскую супольнасьць і правы чалавека», — падкрэсьліў Валеро.
Ён дадаў, што «Беларусь павінна захоўваць грамадзянскія і палітычныя правы ўсіх сваіх грамадзян у адпаведнасьці з усімі міжнароднымі абавязаньнямі», перадае Інтэрфакс.
24 лістапада Менгарсуд разгледзеў касацыйную скаргу кіраўніка праваабарончага цэнтру «Вясна», віцэ-прэзыдэнта Міжнароднай фэдэрацыі правоў чалавека Алеся Бяляцкага, асуджанага на 4,5 года турмы. Прысуд Бяляцкаму пакінулі бязь зьмены.
Кіраўнік праваабарончага цэнтру «Вясна» Алесь Бяляцкі асуджаны на 4,5 года турмы ў лістападзе летась. Яго прызналі вінаватым у нясплаце падаткаў. Праваабаронца сваёй віны не прызнаў і заявіў, што ўсе грошы, атрыманыя на свае рахункі, выдаткоўваў на праваабарончую дзейнасьць.
Падставай для крымінальнага перасьледу Бяляцкага стала інфармацыя пра банкаўскія рахункі, якую перадалі афіцыйнаму Менску Літва і Польшча.
Бяляцкі знаходзіцца ў жодзінскай турме.
Краіны Эўразьвязу, ЗША і міжнародныя праваабарончыя арганізацыі лічаць Бяляцкага палітвязьнем, а прысуд яму — палітычна матываваным. Яны патрабуюць ад уладаў Беларусі вызваліць праваабаронцу.
«Францыя заклікае Беларусь вярнуць свабоду ўсім людзям, якія апынуліся за кратамі праз свае палітычныя перакананьні або з-за таго, што яны абараняюць грамадзянскую супольнасьць і правы чалавека», — падкрэсьліў Валеро.
Ён дадаў, што «Беларусь павінна захоўваць грамадзянскія і палітычныя правы ўсіх сваіх грамадзян у адпаведнасьці з усімі міжнароднымі абавязаньнямі», перадае Інтэрфакс.
24 лістапада Менгарсуд разгледзеў касацыйную скаргу кіраўніка праваабарончага цэнтру «Вясна», віцэ-прэзыдэнта Міжнароднай фэдэрацыі правоў чалавека Алеся Бяляцкага, асуджанага на 4,5 года турмы. Прысуд Бяляцкаму пакінулі бязь зьмены.
Кіраўнік праваабарончага цэнтру «Вясна» Алесь Бяляцкі асуджаны на 4,5 года турмы ў лістападзе летась. Яго прызналі вінаватым у нясплаце падаткаў. Праваабаронца сваёй віны не прызнаў і заявіў, што ўсе грошы, атрыманыя на свае рахункі, выдаткоўваў на праваабарончую дзейнасьць.
Падставай для крымінальнага перасьледу Бяляцкага стала інфармацыя пра банкаўскія рахункі, якую перадалі афіцыйнаму Менску Літва і Польшча.
Бяляцкі знаходзіцца ў жодзінскай турме.
Краіны Эўразьвязу, ЗША і міжнародныя праваабарончыя арганізацыі лічаць Бяляцкага палітвязьнем, а прысуд яму — палітычна матываваным. Яны патрабуюць ад уладаў Беларусі вызваліць праваабаронцу.