Паводле рэйтынгу Freedom House, гэтыя тры краіны — самыя вялікія сяброўкі на постсавецкай прасторы, аб’яднаныя ў мытны зьвяз — Р. К. Б — аднесены да катэгорыі несвабодных. Ва ўсіх трох 2012 год — год выбараў. У мінулую нядзелю адбыліся парлямэнцкія выбары ў Казахстане, у сераду завяршыўся прыём дакумэнтаў для кандыдатаў у прэзыдэнты Расеі, а частка беларускай апазыцыі заявіла пра стратэгію «актыўнага байкоту» будучых парлямэнцкіх выбараў.
Выбары ва ўмовах адсутнасьці свабоды абмяркоўваюць аналітык Цэнтральнай службы навінаў Радыё Свабода Мерхат Шарыпжанаў, в. а. галоўнага рэдактара Расейскай службы РС Кірыл Кобрын, аналітык беларускай службы Ян Максімюк. Гутарку вядзе Аляксандар Лукашук.
