Руба — гэта невялікі пасёлак пад Віцебскам. Бел-чырвона-белы сьцяг Мірона там зьявіўся ўпершыню, і правісеў досыць доўга — больш за дзьве гадзіны.
Як апавёў віцебскі апазыцыянэр Барыс Хамайда, сьцяг быў прымацаваны да электрычных дратоў высока над дарогай. Спадар Хамайда працытаваў і зьмест цыдулкі прымацаванай да сьцяга. Гэты тэкст яму стаў вядомы з вартых даверу крыніцаў:
«Беларускі народ не павінны несьці адказнасьць па шматмільярдных пазыках, набраных нелегітымным рэжымам. Гэтая выснова не супярэчыць нормам міжнароднага права. Так што крэдыторам давядзецца разьлічваць на ўласныя сілы і „страсаць“ свае грошы, як з казачнага Бураціны, з таго, хто іх зараз набраў! Жыве Беларусь! Жыве вечна! Мірон».
Барыс Хамайда лічыць, што бел-чырвона-белы сьцяг зьявіўся як напамін пра тое, што ў сярэднім на кожнага беларуса дзяржаўная пазыка іншым краінам складае не адну тысячу даляраў. І што з кожным годам кіраўніцтва Аляксандра Лукашэнкі гэтая запазычанасьць расьце, накладаючы дадатковыя эканамічныя абавязкі ўжо на дзяцей і ўнукаў сёньняшніх грамадзянаў Беларусі.
«Беларускі народ не павінны несьці адказнасьць па шматмільярдных пазыках, набраных нелегітымным рэжымам. Гэтая выснова не супярэчыць нормам міжнароднага права. Так што крэдыторам давядзецца разьлічваць на ўласныя сілы і „страсаць“ свае грошы, як з казачнага Бураціны, з таго, хто іх зараз набраў! Жыве Беларусь! Жыве вечна! Мірон».
Барыс Хамайда лічыць, што бел-чырвона-белы сьцяг зьявіўся як напамін пра тое, што ў сярэднім на кожнага беларуса дзяржаўная пазыка іншым краінам складае не адну тысячу даляраў. І што з кожным годам кіраўніцтва Аляксандра Лукашэнкі гэтая запазычанасьць расьце, накладаючы дадатковыя эканамічныя абавязкі ўжо на дзяцей і ўнукаў сёньняшніх грамадзянаў Беларусі.