Віцебскага сябра КХП-БНФ вінавацяць, што ён парушыў рэжым адбываньня ўмоўнага пакараньня. Пакуль па гэтай справе вядзецца сьледзтва, ён будзе знаходзіцца пад арыштам.
Жонцы актывіста Алене Каваленка патлумачылі, што пад арыштам Сяргея могуць трымаць да паўтара месяца. Трое сутак ён ужо прывёў у ізалятары часовага ўтрыманьня — пасьля таго як 19 сьнежня яго забралі з дому супрацоўнікі інспэкцыі па выкананьні пакараньняў.
Алена Каваленка: «Тады яго забіралі нібыта каб падпісаць нейкія паперы. Як высьветлілася, гэта было падманам: Сяргея завезьлі ў Першамайскі РАУС, дзе пачалі складаць дакумэнты ў межах крымінальнай справы паводле артыкулу 415 «Ухіленьне ад адбываньня пакараньня».
Яна мяркуе, што падставай для крымінальнай справы можа быць адмова Сяргея Каваленкі падпісаць паперу пра зьмену рэжыму — каб вяртацца дахаты не пазьней як у 19:30, а не да 21, як было раней. Актывіст напісаў у пракуратуру скаргу, што такія зьмены немэтазгодныя, бо ён мусіць па вечарох працаваць, каб утрымліваць сям’ю, — у яго двое дзяцей і жонка цяпер у дэкрэтным адпачынку.
Калі ён заносіў скаргу ў абласную пракуратуру, то супрацоўнікі інспэкцыі зафіксавалі спазьненьне дахаты. Жонка згадала таксама, што супраць актывіста маюцца дзьве адміністрацыйныя справы: яго вінавацяць у вывешваньні бел-чырвона-белага сьцяга на краме «Пяты элемэнт» і ў хуліганстве — нецэнзурнай лаянцы на супрацоўнікаў інспэкцыі па выкананьні пакараньняў.
«Цяпер суды — гэта адзіная магчымасьць убачыць мужа. Я баюся, што галадоўка падарве яго здароўе, і не ўяўляю, што рабіць далей, бо засталася з двума дзецьмі без сродкаў да існаваньня. Малодшай дачцэ ўсяго паўгода, я ў адпачынку па догляду за дзіцём, яшчэ ў нас сын—першаклясьнік. І мама Сяргея, пэнсыянэрка. Ён працаваў прадпрымальнікам па рамонтах, утрымліваў нас матэрыяльна. Цяпер проста ня ведаю, што будзе», — кажа спадарыня Алена.
Пасьля сустрэчы з адвакатам яна даведалася, у чым канкрэтна вінавацяць Сяргея Каваленку. Інспэкцыя па выкананьні пакараньняў паўтара гады таму зафіксавала, што ён спазьніўся дахаты роўна на адну хвіліну. Яшчэ расцанілі як парушэньне тое, што 8 кастрычніка, у дзень Народнага сходу, ён павёў сына на трэніроўку. Хаця ён ніколі не падпісваў дакумэнтаў, што ў выходныя абавязваецца быць дома. Яшчэ адно спазьненьне зафіксавана 26 лістапада: тым вечарам сябра КХП БНФ заносіў скаргу ў пракуратуру якраз на некарэктная стаўленьне да сябе з боку супрацоўнікаў інспэкцыі.
І апошняе парушэньне — адміністрацыйная справа за выхад зь бел-чырвона-белым сьцягам сёлета 24 сакавіка. За той учынак, дарэчы, пакараньня Сяргей ужо адбыў: яму быў прысуджаны арышт на 7 сутак, і яшчэ 15 сутак дадала інспэкцыя за парушэньне рэжыму.
Чатыры парушэньні ўжо фігуруюць у распачатай супраць актывіста крымінальнай справе паводле артыкула 415 «Ухіленьне ад адбываньня пакараньня».
Сяргей Каваленка адбывае «хатнюю хімію» — умоўнае пакараньне, прысуджанае яму за вывешваньне бел-чырвона-белага сьцяга на навагодняй ёлцы 7 студзеня 2010 году.
Алена Каваленка: «Тады яго забіралі нібыта каб падпісаць нейкія паперы. Як высьветлілася, гэта было падманам: Сяргея завезьлі ў Першамайскі РАУС, дзе пачалі складаць дакумэнты ў межах крымінальнай справы паводле артыкулу 415 «Ухіленьне ад адбываньня пакараньня».
Яна мяркуе, што падставай для крымінальнай справы можа быць адмова Сяргея Каваленкі падпісаць паперу пра зьмену рэжыму — каб вяртацца дахаты не пазьней як у 19:30, а не да 21, як было раней. Актывіст напісаў у пракуратуру скаргу, што такія зьмены немэтазгодныя, бо ён мусіць па вечарох працаваць, каб утрымліваць сям’ю, — у яго двое дзяцей і жонка цяпер у дэкрэтным адпачынку.
Калі ён заносіў скаргу ў абласную пракуратуру, то супрацоўнікі інспэкцыі зафіксавалі спазьненьне дахаты. Жонка згадала таксама, што супраць актывіста маюцца дзьве адміністрацыйныя справы: яго вінавацяць у вывешваньні бел-чырвона-белага сьцяга на краме «Пяты элемэнт» і ў хуліганстве — нецэнзурнай лаянцы на супрацоўнікаў інспэкцыі па выкананьні пакараньняў.
«Цяпер суды — гэта адзіная магчымасьць убачыць мужа. Я баюся, што галадоўка падарве яго здароўе, і не ўяўляю, што рабіць далей, бо засталася з двума дзецьмі без сродкаў да існаваньня. Малодшай дачцэ ўсяго паўгода, я ў адпачынку па догляду за дзіцём, яшчэ ў нас сын—першаклясьнік. І мама Сяргея, пэнсыянэрка. Ён працаваў прадпрымальнікам па рамонтах, утрымліваў нас матэрыяльна. Цяпер проста ня ведаю, што будзе», — кажа спадарыня Алена.
Пасьля сустрэчы з адвакатам яна даведалася, у чым канкрэтна вінавацяць Сяргея Каваленку. Інспэкцыя па выкананьні пакараньняў паўтара гады таму зафіксавала, што ён спазьніўся дахаты роўна на адну хвіліну. Яшчэ расцанілі як парушэньне тое, што 8 кастрычніка, у дзень Народнага сходу, ён павёў сына на трэніроўку. Хаця ён ніколі не падпісваў дакумэнтаў, што ў выходныя абавязваецца быць дома. Яшчэ адно спазьненьне зафіксавана 26 лістапада: тым вечарам сябра КХП БНФ заносіў скаргу ў пракуратуру якраз на некарэктная стаўленьне да сябе з боку супрацоўнікаў інспэкцыі.
І апошняе парушэньне — адміністрацыйная справа за выхад зь бел-чырвона-белым сьцягам сёлета 24 сакавіка. За той учынак, дарэчы, пакараньня Сяргей ужо адбыў: яму быў прысуджаны арышт на 7 сутак, і яшчэ 15 сутак дадала інспэкцыя за парушэньне рэжыму.
Чатыры парушэньні ўжо фігуруюць у распачатай супраць актывіста крымінальнай справе паводле артыкула 415 «Ухіленьне ад адбываньня пакараньня».
Сяргей Каваленка адбывае «хатнюю хімію» — умоўнае пакараньне, прысуджанае яму за вывешваньне бел-чырвона-белага сьцяга на навагодняй ёлцы 7 студзеня 2010 году.