13 верасьня ў Брусэлі адбылася адмысловая прэс-канфэрэнцыя ў межах шэрагу мерапрыемстваў дзеля вызваленьня палітвязьняў у Беларусі, у тым ліку віцэ-прэзыдэнта Міжнароднай фэдэрацыі правоў чалавека (FIDH), кіраўніка праваабарончага цэнтру «Вясна» Алеся Бяляцкага.
Прэс-канфэрэнцыю, у якой узяў удзел намесьнік старшыні праваабарончага цэнтру «Вясна» Валянцін Стэфановіч, арганізавалі вядучыя праваабарончыя арганізацыі — FIDH, Абсэрваторыя па абароне праваабаронцаў (OBS), Міжнароднае супрацоўніцтва за правы чалавека (IPHR) і «Міжнародная амністыя». На прэс-канфэрэнцыі прадэманстравалі дакумэнтальны фільм аб падзеях 19-га сьнежня і непасрэдна пасьля іх, які быў зьняты, калі місія FIDH працавала ў Беларусі.
Сёньня ж у Брусэлі заплянаваны шэраг сустрэчаў, у тым ліку з нацыянальнымі дэлегацыямі Эўрапейскага парлямэнту, паведамляе праваабарончы цэнтар «Вясна».
12 верасьня ў Брусэлі Валянцін Стэфановіч сустракаўся са старшынём офіса па правах чалавека Эўрапейскага парлямэнту Джэфры Гарысам. У сустрэчы таксама брала ўдзел кіраўніца аддзелу Ўсходняй Эўропы і Цэнтральнай Азіі Міжнароднай Фэдэрацыі правоў чалавека (FIDH) Саша Кулаева.
15 верасьня ў Страсбуры Валянцін Стэфановіч возьме ўдзел у сустрэчы з эўракамісарам па правах чалавека Томасам Гамарбэргам. Менавіта 15 верасьня Эўрапарлямэнт плянуе прыняць адмысловую рэзалюцыю па сытуацыі ў Беларусі.
20 верасьня ў Жэнэве адбудзецца брыфінг па сытуацыі ў Беларусі, арганізаваны FIDН з удзелам Валянціна Стэфановіча. Акрамя таго, заплянаваны выступ Стэфановіча на сэсіі Рады па правах чалавека ААН. 20 верасьня ў Радзе па правах чалавека адбудуцца слуханьні па сытуацыі ў Беларусі.
Паводле Стэфановіча, праваабаронцы імкнуцца прыцягнуць увагу міжнароднай супольнасьці да сытуацыі ў Беларусі. Яны патрабуюць неадкладнага і безумоўнага вызваленьня ўсіх палітвязьняў, якія дагэтуль знаходзяцца ў беларускіх турмах. Асабліва важна, адзначыў Стэфановіч, данесьці да краінаў ЭЗ інфармацыю пра тое, што адбываецца зь вязьнямі, пра той ціск, які на іх чыніць адміністрацыя турмаў.
Прэс-канфэрэнцыю, у якой узяў удзел намесьнік старшыні праваабарончага цэнтру «Вясна» Валянцін Стэфановіч, арганізавалі вядучыя праваабарончыя арганізацыі — FIDH, Абсэрваторыя па абароне праваабаронцаў (OBS), Міжнароднае супрацоўніцтва за правы чалавека (IPHR) і «Міжнародная амністыя». На прэс-канфэрэнцыі прадэманстравалі дакумэнтальны фільм аб падзеях 19-га сьнежня і непасрэдна пасьля іх, які быў зьняты, калі місія FIDH працавала ў Беларусі.
Сёньня ж у Брусэлі заплянаваны шэраг сустрэчаў, у тым ліку з нацыянальнымі дэлегацыямі Эўрапейскага парлямэнту, паведамляе праваабарончы цэнтар «Вясна».
12 верасьня ў Брусэлі Валянцін Стэфановіч сустракаўся са старшынём офіса па правах чалавека Эўрапейскага парлямэнту Джэфры Гарысам. У сустрэчы таксама брала ўдзел кіраўніца аддзелу Ўсходняй Эўропы і Цэнтральнай Азіі Міжнароднай Фэдэрацыі правоў чалавека (FIDH) Саша Кулаева.
15 верасьня ў Страсбуры Валянцін Стэфановіч возьме ўдзел у сустрэчы з эўракамісарам па правах чалавека Томасам Гамарбэргам. Менавіта 15 верасьня Эўрапарлямэнт плянуе прыняць адмысловую рэзалюцыю па сытуацыі ў Беларусі.
20 верасьня ў Жэнэве адбудзецца брыфінг па сытуацыі ў Беларусі, арганізаваны FIDН з удзелам Валянціна Стэфановіча. Акрамя таго, заплянаваны выступ Стэфановіча на сэсіі Рады па правах чалавека ААН. 20 верасьня ў Радзе па правах чалавека адбудуцца слуханьні па сытуацыі ў Беларусі.
Паводле Стэфановіча, праваабаронцы імкнуцца прыцягнуць увагу міжнароднай супольнасьці да сытуацыі ў Беларусі. Яны патрабуюць неадкладнага і безумоўнага вызваленьня ўсіх палітвязьняў, якія дагэтуль знаходзяцца ў беларускіх турмах. Асабліва важна, адзначыў Стэфановіч, данесьці да краінаў ЭЗ інфармацыю пра тое, што адбываецца зь вязьнямі, пра той ціск, які на іх чыніць адміністрацыя турмаў.