Расейскі ПЭН-цэнтар прыняў заяву ў сувязі з апошнімі падзеямі ў Беларусі.
"У апошні час зь Беларусі пастаянна прыходзяць паведамленьні пра жорсткі гвалт над тымі, хто спрабуе так ці інакш выказаць сваю думку пра палітыку ўладаў. Вядома, што свабода слова ў гэтай краіне здушаная даўно. Былі асуджаныя пісьменьнікі і журналісты Ўладзімір Някляеў, Ірына Халіп, Павал Севярынец, Аляксандар Фядута, Зьміцер Бандарэнка і іншыя. Цяпер гаворка ўжо нават не пра свабоду слова, але пра свабоду жэсту (забаронены аплядысмэнты), права проста знаходзіцца на вуліцах Менску", — сказана ў заяве.
Дакумэнт падпісалі сябры выканкаму Расейскага ПЭН-цэнтру, вядомыя расейскія пісьменьнікі Андрэй Бітаў, Аляксандар Гарадніцкі, Ігар Ірценьеў, Юна Морыц, Аляксей Сіманаў, Людміла Ўліцкая, Леў Цімафееў.
Яны адзначаюць: "Немагчыма абыякава глядзець, як дужыя супрацоўнікі бясьпекі ўчатырох-упяцёх накідваюцца, зьбіваюць і зацягваюць у "варанкі" безабаронных жанчын і старых, якія ўсяго толькі падазраюцца ў нязгодзе з палітыкай Лукашэнкі. Мы, пісьменьнікі Расеі, выказваем сваё спачуваньне і падтрымку ўсім, хто зазнае гвалт у Беларусі. Мы абураныя рэпрэсіўнай палітыкай беларускіх уладаў і заклікаем калегаў ува ўсім сьвеце падняць голас пратэсту супраць здушэньня асноўных свабодаў у Беларусі. Мы таксама заклікаем урад Расеі строга рэглямэнтаваць эканамічныя прывілеі, якія надаюцца рэжыму Лукашэнкі, і паставіць іх у прамую залежнасьць ад захаваньня правоў чалавека беларускімі ўладамі".
"У апошні час зь Беларусі пастаянна прыходзяць паведамленьні пра жорсткі гвалт над тымі, хто спрабуе так ці інакш выказаць сваю думку пра палітыку ўладаў. Вядома, што свабода слова ў гэтай краіне здушаная даўно. Былі асуджаныя пісьменьнікі і журналісты Ўладзімір Някляеў, Ірына Халіп, Павал Севярынец, Аляксандар Фядута, Зьміцер Бандарэнка і іншыя. Цяпер гаворка ўжо нават не пра свабоду слова, але пра свабоду жэсту (забаронены аплядысмэнты), права проста знаходзіцца на вуліцах Менску", — сказана ў заяве.
Дакумэнт падпісалі сябры выканкаму Расейскага ПЭН-цэнтру, вядомыя расейскія пісьменьнікі Андрэй Бітаў, Аляксандар Гарадніцкі, Ігар Ірценьеў, Юна Морыц, Аляксей Сіманаў, Людміла Ўліцкая, Леў Цімафееў.
Яны адзначаюць: "Немагчыма абыякава глядзець, як дужыя супрацоўнікі бясьпекі ўчатырох-упяцёх накідваюцца, зьбіваюць і зацягваюць у "варанкі" безабаронных жанчын і старых, якія ўсяго толькі падазраюцца ў нязгодзе з палітыкай Лукашэнкі. Мы, пісьменьнікі Расеі, выказваем сваё спачуваньне і падтрымку ўсім, хто зазнае гвалт у Беларусі. Мы абураныя рэпрэсіўнай палітыкай беларускіх уладаў і заклікаем калегаў ува ўсім сьвеце падняць голас пратэсту супраць здушэньня асноўных свабодаў у Беларусі. Мы таксама заклікаем урад Расеі строга рэглямэнтаваць эканамічныя прывілеі, якія надаюцца рэжыму Лукашэнкі, і паставіць іх у прамую залежнасьць ад захаваньня правоў чалавека беларускімі ўладамі".