Дэпутатка Бундэстагу ад апазыцыйнай партыі "Зялёныя" Марылюіза Бэк сустрэнецца з прадстаўнікамі беларускай апазыцыі. Сустрэча мае адбыцца ў межах сэсіі Парлямэнцкай асамблеі Рады Эўропы, якая праходзіць у Страсбуры 24 -- 27 студзеня.
Марылюіза Бэк адна зь першых выступіла з крытыкай прэзыдэнцкіх выбараў у Беларусі. Ужо вечарам 19 сьнежня яна заявіла: "Нельга заплюшчваць вочы на тыя сур'ёзныя дэмакратычныя недахопы, якія мы бачылі ў межах гэтай выбарчай кампаніі. Эўразьвяз павінны гэта прызнаць і ня браць удзел у гульні Лукашэнкі з касмэтычнай лібэралізацыяй для прызнаньня выбараў дэмакратычнымі".
27 студзеня на сэсіі ПАРЭ пройдуць дэбаты па сытуацыі ў Беларусі пасьля прэзыдэнцкіх выбараў. Такое рашэньне было прынятае 24 студзеня падчас працы бюро ПАРЭ. З ініцыятывай правядзеньня тэрміновых дэбатаў па сытуацыі ў Беларусі выступіла старшыня лібэральнай групы дэпутатаў ПАРЭ Ан Брасэр. Плянуецца, што падчас дэбатаў выступіць дакладчык ПАРЭ па Беларусі фінская дэпутатка Сініка Хурскайнен. Паводле вынікаў дэбатаў чакаецца прыняцце рэзалюцыі, паведамляе БелаПАН.
Марылюіза Бэк адна зь першых выступіла з крытыкай прэзыдэнцкіх выбараў у Беларусі. Ужо вечарам 19 сьнежня яна заявіла: "Нельга заплюшчваць вочы на тыя сур'ёзныя дэмакратычныя недахопы, якія мы бачылі ў межах гэтай выбарчай кампаніі. Эўразьвяз павінны гэта прызнаць і ня браць удзел у гульні Лукашэнкі з касмэтычнай лібэралізацыяй для прызнаньня выбараў дэмакратычнымі".
27 студзеня на сэсіі ПАРЭ пройдуць дэбаты па сытуацыі ў Беларусі пасьля прэзыдэнцкіх выбараў. Такое рашэньне было прынятае 24 студзеня падчас працы бюро ПАРЭ. З ініцыятывай правядзеньня тэрміновых дэбатаў па сытуацыі ў Беларусі выступіла старшыня лібэральнай групы дэпутатаў ПАРЭ Ан Брасэр. Плянуецца, што падчас дэбатаў выступіць дакладчык ПАРЭ па Беларусі фінская дэпутатка Сініка Хурскайнен. Паводле вынікаў дэбатаў чакаецца прыняцце рэзалюцыі, паведамляе БелаПАН.