Суткі знаходзіцца пад адміністрацыйным арыштам бабруйскі журналіст, сябра стваранай партыі “Беларуская хрысьціянская дэмакратыя” Яўген Васьковіч. Затрымалі дзевятнаццацігадовага хлопца ўчора раніцай у Магілёве.
Пра затрыманьне паведаміла ягонай маці ў тэлефоннай гутарцы супрацоўніца магілёўскай міліцыі, якая назвалася Натальляй Васільеўнай. Паводле яе Яўген асуджаны на дзесяць сутак арышту за ўчыненае 16 сьнежня ў Бабруйску хуліганства. Зьняволеньне ён адбывае ў магілёўскім ізалятары часовага ўтрыманьня на вуліцы Крупскай.
Калі й дзе судзілі хлопца застаецца невядомым. За ўдзел у акцыі пратэсту на плошчы незалежнасьці 19 сьнежня Яўген Васьковіч адседзеў на Акрэсьціна 12 сутак. Яго выклікалі на допыт у КДБ. У інтэрвію “Свабодзе” спадар Васьковіч паведаміў, што настаяў, каб сьледчы запісаў у пратакол, што ён і надалей будзе ўдзельнічаць паводле сваіх перакананьняў у акцыях пратэсту апазыцыі. Ня выключана, што гэтае патрабаваньне й стала матывам для зьняволеньня хлопца.
Яўген Васьковіч працуе ў незалежнай газэце “Бабруйскі кур’ер”. Вучыцца завочна ў Магілёўскім унівэрсытэце імя Куляшова. 17 студзеня, у дзень затрыманьня, ён меўся здаваць іспыт па беларускай мове.
Пра затрыманьне паведаміла ягонай маці ў тэлефоннай гутарцы супрацоўніца магілёўскай міліцыі, якая назвалася Натальляй Васільеўнай. Паводле яе Яўген асуджаны на дзесяць сутак арышту за ўчыненае 16 сьнежня ў Бабруйску хуліганства. Зьняволеньне ён адбывае ў магілёўскім ізалятары часовага ўтрыманьня на вуліцы Крупскай.
Калі й дзе судзілі хлопца застаецца невядомым. За ўдзел у акцыі пратэсту на плошчы незалежнасьці 19 сьнежня Яўген Васьковіч адседзеў на Акрэсьціна 12 сутак. Яго выклікалі на допыт у КДБ. У інтэрвію “Свабодзе” спадар Васьковіч паведаміў, што настаяў, каб сьледчы запісаў у пратакол, што ён і надалей будзе ўдзельнічаць паводле сваіх перакананьняў у акцыях пратэсту апазыцыі. Ня выключана, што гэтае патрабаваньне й стала матывам для зьняволеньня хлопца.
Яўген Васьковіч працуе ў незалежнай газэце “Бабруйскі кур’ер”. Вучыцца завочна ў Магілёўскім унівэрсытэце імя Куляшова. 17 студзеня, у дзень затрыманьня, ён меўся здаваць іспыт па беларускай мове.