Да берасьцейскіх сябраў ініцыятыўных групаў апазыцыйных кандыдатаў у панядзелак як па камандзе прыйшлі супрацоўнікі КДБ зь ператрусамі.
Адзін зь ператрусаў быў праведзены ў кватэры ў Арцёма Церашонка, сябра ініцыятыўных групаў па зборы подпісаў за вылучэньне кандыдатамі ў прэзыдэнты Яраслава Раманчука і Ўладзімера Някляева.
«Ператрус з 09.05 да 10.15 праводзілі два супрацоўнікі КДБ. Яны прад’явілі пастанову на ператрус у рамках крымінальнай справы аб масавых непарадках у Менску», — паведаміў БелаПАН Арцём Церашонак. — У мяне нічога не канфіскавана. Мне ўручылі позву зьявіцца ва ўпраўленьне КДБ па Берасьцейскай вобласьці 11 студзеня ў 14.00».
Як паведаміў БелаПАН праваабаронца Раман Кісьляк, яшчэ адзін ператрус прайшоў сёньня раніцай у кватэры, якую здымае Дзьмітры Шурхай, давераная асоба экс-кандыдата ў прэзыдэнты Віталя Рымашэўскага.
«Шурхая ў гэты час дома не было, і пра ператрус ён даведаўся ад уладальніцы кватэры. Зь яе слоў, у Шурхая канфіскаваныя нейкія паперы і дакумэнты», — дадаў праваабаронца.
Паводле яго слоў, 10 студзеня ў 10.10 пачаўся ператрус па месцы жыхарства берасьцейскага актывіста Андрэя Шарэнды, у 10.30 — у мясцовага актывіста Аб’яднанай грамадзянскай партыі Ўладзімера Вуека.
Расшыфроўка фрагмэнту гутаркі жонкі Андрэя Шарэнды Паліны са сьледчым КДБ Васільчанкам:
Паліна: «А я б папрасіла, каб Луку арыштавалі за тое, што ён фальшуе выбары дзесяць гадоў запар…»
Сьледчы: «Ня ведаю, гэта не да мяне…»
Паліна: «Цікава, чый сваяк Васільчанка, хто вас па блаце ў КДБ уладкаваў? Ці самі пайшлі? Саша, ідзі паглядзі, каб у іншых пакоях ня рыліся!»
Сьледчы: «Усе знаходзяцца тут».
Паліна: «Я ня ўпэўненая! Я хачу паглядзець, куды супрацоўнік пайшоў».
Адзін зь ператрусаў быў праведзены ў кватэры ў Арцёма Церашонка, сябра ініцыятыўных групаў па зборы подпісаў за вылучэньне кандыдатамі ў прэзыдэнты Яраслава Раманчука і Ўладзімера Някляева.
«Ператрус з 09.05 да 10.15 праводзілі два супрацоўнікі КДБ. Яны прад’явілі пастанову на ператрус у рамках крымінальнай справы аб масавых непарадках у Менску», — паведаміў БелаПАН Арцём Церашонак. — У мяне нічога не канфіскавана. Мне ўручылі позву зьявіцца ва ўпраўленьне КДБ па Берасьцейскай вобласьці 11 студзеня ў 14.00».
Як паведаміў БелаПАН праваабаронца Раман Кісьляк, яшчэ адзін ператрус прайшоў сёньня раніцай у кватэры, якую здымае Дзьмітры Шурхай, давераная асоба экс-кандыдата ў прэзыдэнты Віталя Рымашэўскага.
«Шурхая ў гэты час дома не было, і пра ператрус ён даведаўся ад уладальніцы кватэры. Зь яе слоў, у Шурхая канфіскаваныя нейкія паперы і дакумэнты», — дадаў праваабаронца.
Паводле яго слоў, 10 студзеня ў 10.10 пачаўся ператрус па месцы жыхарства берасьцейскага актывіста Андрэя Шарэнды, у 10.30 — у мясцовага актывіста Аб’яднанай грамадзянскай партыі Ўладзімера Вуека.
Павучальны аўдыёзапіс ператрусу кватэры Андрэя Шарэнды (44 Mb, 45,51 хвіліны)
Расшыфроўка фрагмэнту гутаркі жонкі Андрэя Шарэнды Паліны са сьледчым КДБ Васільчанкам:
Паліна: «А я б папрасіла, каб Луку арыштавалі за тое, што ён фальшуе выбары дзесяць гадоў запар…»
Сьледчы: «Ня ведаю, гэта не да мяне…»
Паліна: «Цікава, чый сваяк Васільчанка, хто вас па блаце ў КДБ уладкаваў? Ці самі пайшлі? Саша, ідзі паглядзі, каб у іншых пакоях ня рыліся!»
Сьледчы: «Усе знаходзяцца тут».
Паліна: «Я ня ўпэўненая! Я хачу паглядзець, куды супрацоўнік пайшоў».
