Каля 20 чалавек правялі ў чацьвер перад беларускім пасольствам у Празе пікет пратэсту з патрабаваньнямі вызваліць палітычных вязьняў, арыштаваных падчас разгону пасьлявыбарчых акцыяў у Менску.
Удзельнікі праскага пратэсту хацелі проста перад амбасадаю скласьці зь сьвечак надпіс “Свабоду!”. Гэтаму перашкодзіў супрацоўнік амбасады, у выніку пратэст перамясьціўся на процілеглы ходнік. Пікетоўцы трымалі ў руках нацыянальныя сьцягі і скандавалі заклік “Свабоду палітычным вязьням!”.