У Магілёве на 41 выбарчым участку за кандыдата ў прэзыдэнты Аляксандра Лукашэнку афіцыйна прагаласавала меней за 52 працэнты выбарцаў. З усіх 818 участкаў рэгіёну – гэта найменшы працэнт падтрымкі дзейнага прэзыдэнта.
У назіральнікаў ад недзяржаўных арганізацыяў прэтэнзіяў да працы ўчастковай камісіі няма. Розьніца між іх падлікамі і афіцыйна агучаным працэнтам тых, хто прагаласаваў, мінімальная. Лічылі бюлетэні на нашых вачах, зазначае назіральніца ад “Руху “За свабоду” Сьвятлана Шывырова. За дзейнага прэзыдэнта аддалі галасы 52,6 працэнты выбарцаў:
“І нам нават дазволілі ў канцы паглядзець і праверыць усё, што мы захочам. Мы не заставаліся на ноч, але мы не сыходзілі з участка. Усе дні мы там былі. І мы пакідалі свае подпісы, калі заклейвалі ўрны. Нам дазвалялі”.
Найбольшую колькасьць галасоў з канкурэнтаў Лукашэнкі выбарцы аддалі Андрэю Саньнікаву – 162. Найменшую падтрымку на ўчастку атрымаў Вус – усяго два галасы. 93 галасы аддалі выбарцы Ўладзімеру Някляеву.
Колькі галасоў выбарцы аддалі дзейнаму прэзыдэнту падчас датэрміновага галасаваньня і непасрэдна ў дзень выбараў, пытаю ў Сьвятланы Шывыровай:
“Датэрмінова было 508 з 869. А за сёньняшні дзень галасаваньня – 444 за Лукашэнку, а ўсяго 941”.
Карэспандэнт: “Што з назіральнікамі, колькі іх было акрэдытавана на ўчастку”:
Шывырова: “Зарэгістравана было чалавек сямнаццаць, ці дзевятнаццаць. Чалавек чатырнаццаць, можа, сёньня й было”.
Карэспандэнт: “А вас, незалежных назіральнікаў”
Шывырова: “Пяцёра – ад свабодна прафсаюзу мэталістаў, жаночай партыі “Надзея” і “Руху “За свабоду”.
Сябрамі выбарчай камісіі на 41 участку для галасаваньня былі выкладчыкі Беларускага інстытуту правазнаўства, а таксама супрацоўнікі таварыства “Магілёўсаюздрук” і будаўнічага трэста №12.
Што да афіцыйных вынікаў галасаваньня на іншых выбарчых участках рэгіёну, то падтрымка дзейнага прэзыдэнта сягае васьмідзесяці працэнтаў. У штабах апазыцыйных кандыдатаў гэтай лічбе веры не даюць. Заяўляюць, што яна падтасаваная. Назіральнікі сьцьвярджаюць, што былі пазбаўленыя магчымасьці пільнаваць працэс падліку галасоў.
“І нам нават дазволілі ў канцы паглядзець і праверыць усё, што мы захочам. Мы не заставаліся на ноч, але мы не сыходзілі з участка. Усе дні мы там былі. І мы пакідалі свае подпісы, калі заклейвалі ўрны. Нам дазвалялі”.
Найбольшую колькасьць галасоў з канкурэнтаў Лукашэнкі выбарцы аддалі Андрэю Саньнікаву – 162. Найменшую падтрымку на ўчастку атрымаў Вус – усяго два галасы. 93 галасы аддалі выбарцы Ўладзімеру Някляеву.
Колькі галасоў выбарцы аддалі дзейнаму прэзыдэнту падчас датэрміновага галасаваньня і непасрэдна ў дзень выбараў, пытаю ў Сьвятланы Шывыровай:
“Датэрмінова было 508 з 869. А за сёньняшні дзень галасаваньня – 444 за Лукашэнку, а ўсяго 941”.
Карэспандэнт: “Што з назіральнікамі, колькі іх было акрэдытавана на ўчастку”:
Шывырова: “Зарэгістравана было чалавек сямнаццаць, ці дзевятнаццаць. Чалавек чатырнаццаць, можа, сёньня й было”.
Карэспандэнт: “А вас, незалежных назіральнікаў”
Шывырова: “Пяцёра – ад свабодна прафсаюзу мэталістаў, жаночай партыі “Надзея” і “Руху “За свабоду”.
Сябрамі выбарчай камісіі на 41 участку для галасаваньня былі выкладчыкі Беларускага інстытуту правазнаўства, а таксама супрацоўнікі таварыства “Магілёўсаюздрук” і будаўнічага трэста №12.
Што да афіцыйных вынікаў галасаваньня на іншых выбарчых участках рэгіёну, то падтрымка дзейнага прэзыдэнта сягае васьмідзесяці працэнтаў. У штабах апазыцыйных кандыдатаў гэтай лічбе веры не даюць. Заяўляюць, што яна падтасаваная. Назіральнікі сьцьвярджаюць, што былі пазбаўленыя магчымасьці пільнаваць працэс падліку галасоў.