90-годзьдзю Слуцкага збройнага чыну прысьвечана вандроўка, якая ў гэты час адбываецца ў Слуцкім раёне. Сюды зь Менску на двух аўтобусах прыехалі амаль сто прадстаўнікоў беларускіх нацыянал-дэмакратычных арганізацый. Вандроўка праходзіць па маршруце Грозава — Семежава — Вызна (Чырвоная Слабада) —Слуцк.
У гэтых мясьцінах 90 гадоў таму некалькі тысяч беларускіх паўстанцаў змагаліся з атрадамі Чырвонай арміі, якія значна перавышалі па колькасьці і узроўні ўзбраеньня змагароў за незалежнасьць БНР. Баі доўжыліся болей за месяц, сотні паўстанцаў, якія змагаліся пад бел-чырвона-белымі сьцягамі загінулі, частка з баямі адышла на тэрыторыю Польшчы.
Сярод удзельнікаў акцыі вядомыя актывісты Вячаслаў Сіўчык, Валер Шчукін, прадстаўнікі маладзёвых дэмакратычных арганізацый. Людзі ўскладаюць букеты кветак зь бел-чырвона-белымі сьцяжкамі на месцах пахаваньня паўстанцаў і да крыжоў памяці, якімі адзначаны месцы баёў. Падчас кожнага ушанаваньня гучаць прамовы, а таксама песьні слуцкіх ваяроў і гімн «Магутны божа».
У 14 гадзін 30 хвілін на Слуцкім гарадзкім стадыёне адбудзецца мітынг, прысьвечаны ўгодкам Слуцкага збройнага чыну.
У гэтых мясьцінах 90 гадоў таму некалькі тысяч беларускіх паўстанцаў змагаліся з атрадамі Чырвонай арміі, якія значна перавышалі па колькасьці і узроўні ўзбраеньня змагароў за незалежнасьць БНР. Баі доўжыліся болей за месяц, сотні паўстанцаў, якія змагаліся пад бел-чырвона-белымі сьцягамі загінулі, частка з баямі адышла на тэрыторыю Польшчы.
Сярод удзельнікаў акцыі вядомыя актывісты Вячаслаў Сіўчык, Валер Шчукін, прадстаўнікі маладзёвых дэмакратычных арганізацый. Людзі ўскладаюць букеты кветак зь бел-чырвона-белымі сьцяжкамі на месцах пахаваньня паўстанцаў і да крыжоў памяці, якімі адзначаны месцы баёў. Падчас кожнага ушанаваньня гучаць прамовы, а таксама песьні слуцкіх ваяроў і гімн «Магутны божа».
У 14 гадзін 30 хвілін на Слуцкім гарадзкім стадыёне адбудзецца мітынг, прысьвечаны ўгодкам Слуцкага збройнага чыну.
