Першыя сустрэчы кандыдатаў з выбарцамі ў рэгіёнах нярэдка праходзяць у паўпустых залях. Апазыцыя пакуль не скарыстоўвае нават тыя магчымасьці, якія дазваляе сёлета мясцовая ўлада. Прычыны гэтага высьвятлялі рэгіянальныя карэспандэнты «Свабоды».
У мінулую сераду ў Барысаве ў гарадзкім кінатэатры «Кастрычнік» адбывалася сустрэча кандыдата на прэзыдэнта Яраслава Раманчука з выбарцамі. Разам з госьцем у залі было менш чым два дзясяткі чалавек, паведаміў «Свабодзе» барысаўскі дэмакратычны актывіст Віктар Гарбачоў. Суразмоўца ўдакладніў і прычыны, чаму пуставала заля:
«Я мяркую, што такія сустрэчы трэба рыхтаваць загадзя. Хаця б дні тры-чатыры аддаць на падрыхтоўку. Гэтым разам не пасьпелі па часе. Напэўна, пасьпяшаліся. Трэба было загадзя агітацыю правесьці, распаўсюдзіць аб’явы і толькі пасьля правесьці сустрэчу».
Паводле слоў Віктара Гарбачова, наступная сустрэча ў тым жа кінатэатры «Кастрычнік» заплянаваная з кандыдатам на прэзыдэнта Андрэем Саньнікавым. «Пакуль інфармацыі пра гэта ў Барысаве зноў недастаткова», — кажа суразмоўца.
Замест сустрэчы з кандыдатам прапаноўваюць балет
На Гарадзеншчыне мясцовыя ўлады не рэагуюць на патрабаваньні і скаргі штабоў апазыцыйных кандыдатаў. Тыя дамагаюцца, каб ім дазволілі праводзіць агітацыйную кампанію ў людных месцах і вялікіх залях.
У Горадні дырэктар абласной філярмоніі толькі ад прадстаўнікоў штабу Яраслава Раманчука даведаўся, што заля філярмоніі прызначана гарвыканкамам для правядзеньня сустрэч з кандыдатамі ў прэзыдэнты.
У горадзе гэта адна з самых вялікіх заляў. Яна ў цэнтры горада, сюды зручна дабірацца. У бліжэйшую нядзелю актывісты штабу Яраслава Раманчука плянавалі правесьці тут сустрэчу свайго кандыдата з выбарцамі, але так і не дамовіліся з дырэктарам.
Кіраўнік абласнога штабу Юры Істомін: «Заля філярмоніі занятая ўсе выходныя, там праводзіцца шэраг мерапрыемстваў, на якія прадаюцца білеты. І менавіта ў нядзелю там будуць паказваць менскі балет. Нам прапанавалі праводзіць сустрэчу толькі а 10-й гадзіне раніцы».
У Слоніме для сустрэч з кандыдатамі выдзелілі залю кінатэатру «Мір», якая зьмяшчае да 200 чалавек. Як жартуюць мясцовыя актывісты, калі прыйдзе паўтысячы ахвотных, то давядзецца ісьці на танцпляцоўку ў парк, бо там таксама дазволена, а месца болей.
Мясцовы актывіст: «Кінатэатар разьлічаны на 200 месцаў. Калі прыйдзе некалькі тысяч, то яны ня зьмесьцяцца. У горадзе ёсьць заля раённага Дома культуры на 600 месцаў, але там зьбірацца нельга. Закрытае памяшканьне адно на ўвесь горад, дзе можна сустрэцца з кандыдатам».
У Мастах адбылася сустрэча з даверанай асобай кандыдата ў прэзыдэнты Віталя Рымашэўскага — Паўлам Севярынцам. На сустрэчу прыйшло ўсяго каля 40 чалавек. Праўда, яна адбывалася а 13-й гадзіне.
Мастоўскі актывіст Зьміцер Кухлей кажа, што ў такі час складана, каб прыйшло болей народу. Але і паведамляць людзям пра сустрэчу даводзілася праз самавыдатаўскія ўлёткі, якія неўзабаве зрывалі невядомыя. Спрабавалі запрашаць людзей на гарадзкім рынку, але там — не дазволена.
Кухлей: «Зьявіліся кіраўнік мастоўскага РАУС і тэрытарыяльнай камісіі ды папярэдзілі нас, што гэта незаконна. Прычым папярэджаньне гэтае міліцыянты здымалі на відэакамэру.
«Сабраць людзей на агітацыйныя сустрэчы будзе складана»
Першыя сустрэчы з кандыдатамі на прэзыдэнта ў Віцебскай вобласьці яшчэ толькі плянуюцца. І першым горадам, куды прыедуць кандыдаты, будзе Ворша. Але мясцовыя актывісты выказваюць меркаваньні, што сабраць людзей на агітацыйныя сустрэчы будзе нялёгка.
Алесь Шутаў, старшыня раённай суполкі партыі БНФ, арганізуючы сустрэчу з Рыгорам Кастусёвым, мусіў пагадзіцца на ня самае зручнае памяшканьне:
«Да нас у Воршу 26 лістапада прыедзе Рыгор Кастусёў, а 27 лістапада — Ўладзімер Някляеў. Аказалася, цяжка знайсьці прыдатнае памяшканьне. Вялікая заля ў цэнтры гораду, у мастацкай школе № 1, як высьветлілася, занятая — там будзе імпрэза да юбілею Ўладзімера Караткевіча. А іншыя залі — гэта на ўскраінах. Пераважна гэта актавыя залі агульнаадукацыйных школ, і хіба некалькі дзясяткаў чалавек можна разьмясьціць у такой залі».
26 лістапада ў Воршы адзначаюць 80-я ўгодкі Караткевіча, славутага пісьменьніка-земляка. Таму пагадзіцца давялося на залю Дома культуры інвалідаў зроку, кажа Алесь Шутаў. Заля там неблагая, але ж сам дом культуры месьціцца далёка ад цэнтру, на вуліцы Шаўчэнкі, і дабірацца праз увесь горад на сустрэчы з кандыдатамі Рыгорам Кастусёвым ды Ўладзімерам Някляевым пажадаюць далёка ня ўсе аршанцы.
Зрэшты, нават запрасіць людзей — і то стала праблемай, працягвае Алесь Шутаў:
«25 лістапада, сёньня, аршанская тэлекампанія „Скіф“ адмовілася прыняць абвесткі пра сустрэчы з Кастусёвым і зь Някляевым. Матывацыя — што трэба яшчэ нейкі пісьмовы дазвол з гарвыканкаму. Хаця сустрэчы ўзгодненыя з тэрытарыяльнай камісіяй і няма патрэбы ў нейкіх яшчэ дадатковых санкцыях, рашэньнях, пастановах. Тым ня менш мы сутыкнуліся з тым, што закон — не для ўсіх».
Каб паведаміць пра сустрэчы з кандыдатамі сваім землякам, аршанскія актывісты расклейваюць па горадзе аб’явы.
Тое самае плянуюць рабіць і ў Наваполацку, куды 29-га лістапада мае завітаць Рыгор Кастусёў. Але, як паведаміў старшыня наваполацкай суполкі Партыі БНФ Уладзімер Кунцэвіч, праблем пакуль не паўстала ні з памяшканьнем, ні з рэклямай.
Абвесткі пра сустрэчу на мясцовай тэлестудыі «Вэктар» узялі, а памяшканьне, дзе жыхары гораду змогуць сустрэцца з кандыдатам на прэзыдэнта, — гэта самая прэстыжная ў Наваполацку заля Палаца культуры прадпрыемства «Нафтан», якая ўмяшчае 600 гледачоў.
«Аўтапікет — знаходка гомельскіх актывістаў»
25 лістапада ў Гомелі выстаўлены першы агітацыйны пікет за апазыцыйнага кандыдата ў прэзыдэнты.
На пляцоўцы ля новага ўнівэрмагу абвесткі пра сустрэчу Андрэя Саньнікава з выбарцамі 5 сьнежня ў Доме культуры «Фэстывальны» раздавала Галіна Баранава. Разам з саматужна вырабленымі абвесткамі актывістка раздавала й сінія стужачкі — гэта колер выбарчай кампаніі Саньнікава:
«Не хапае агітацыйных матэрыялаў. Самі на ксэраксе, хто можа, друкуем. Толькі ў панядзелак грошы паступілі Саньнікаву з камісіі, таму яшчэ не пасьпелі надрукаваць ніякіх матэрыялаў. Думаю, што гэта спэцыяльна зроблена. Мала часу застаецца для агітацыі. Гэта на руку ўладзе й афіцыйнаму кандыдату».
У абласным цэнтры вызначана 9 месцаў для правядзеньня пікетаў і мітынгаў, але яны не выкарыстоўваюцца пакуль для агітацыйнай кампаніі.
МЕНШЧЫНА
У мінулую сераду ў Барысаве ў гарадзкім кінатэатры «Кастрычнік» адбывалася сустрэча кандыдата на прэзыдэнта Яраслава Раманчука з выбарцамі. Разам з госьцем у залі было менш чым два дзясяткі чалавек, паведаміў «Свабодзе» барысаўскі дэмакратычны актывіст Віктар Гарбачоў. Суразмоўца ўдакладніў і прычыны, чаму пуставала заля:
«Я мяркую, што такія сустрэчы трэба рыхтаваць загадзя. Хаця б дні тры-чатыры аддаць на падрыхтоўку. Гэтым разам не пасьпелі па часе. Напэўна, пасьпяшаліся. Трэба было загадзя агітацыю правесьці, распаўсюдзіць аб’явы і толькі пасьля правесьці сустрэчу».
Паводле слоў Віктара Гарбачова, наступная сустрэча ў тым жа кінатэатры «Кастрычнік» заплянаваная з кандыдатам на прэзыдэнта Андрэем Саньнікавым. «Пакуль інфармацыі пра гэта ў Барысаве зноў недастаткова», — кажа суразмоўца.
ГАРАДЗЕНШЧЫНА
Замест сустрэчы з кандыдатам прапаноўваюць балет
На Гарадзеншчыне мясцовыя ўлады не рэагуюць на патрабаваньні і скаргі штабоў апазыцыйных кандыдатаў. Тыя дамагаюцца, каб ім дазволілі праводзіць агітацыйную кампанію ў людных месцах і вялікіх залях.
У Горадні дырэктар абласной філярмоніі толькі ад прадстаўнікоў штабу Яраслава Раманчука даведаўся, што заля філярмоніі прызначана гарвыканкамам для правядзеньня сустрэч з кандыдатамі ў прэзыдэнты.
У горадзе гэта адна з самых вялікіх заляў. Яна ў цэнтры горада, сюды зручна дабірацца. У бліжэйшую нядзелю актывісты штабу Яраслава Раманчука плянавалі правесьці тут сустрэчу свайго кандыдата з выбарцамі, але так і не дамовіліся з дырэктарам.
Кіраўнік абласнога штабу Юры Істомін: «Заля філярмоніі занятая ўсе выходныя, там праводзіцца шэраг мерапрыемстваў, на якія прадаюцца білеты. І менавіта ў нядзелю там будуць паказваць менскі балет. Нам прапанавалі праводзіць сустрэчу толькі а 10-й гадзіне раніцы».
У Слоніме для сустрэч з кандыдатамі выдзелілі залю кінатэатру «Мір», якая зьмяшчае да 200 чалавек. Як жартуюць мясцовыя актывісты, калі прыйдзе паўтысячы ахвотных, то давядзецца ісьці на танцпляцоўку ў парк, бо там таксама дазволена, а месца болей.
Мясцовы актывіст: «Кінатэатар разьлічаны на 200 месцаў. Калі прыйдзе некалькі тысяч, то яны ня зьмесьцяцца. У горадзе ёсьць заля раённага Дома культуры на 600 месцаў, але там зьбірацца нельга. Закрытае памяшканьне адно на ўвесь горад, дзе можна сустрэцца з кандыдатам».
У Мастах адбылася сустрэча з даверанай асобай кандыдата ў прэзыдэнты Віталя Рымашэўскага — Паўлам Севярынцам. На сустрэчу прыйшло ўсяго каля 40 чалавек. Праўда, яна адбывалася а 13-й гадзіне.
Мастоўскі актывіст Зьміцер Кухлей кажа, што ў такі час складана, каб прыйшло болей народу. Але і паведамляць людзям пра сустрэчу даводзілася праз самавыдатаўскія ўлёткі, якія неўзабаве зрывалі невядомыя. Спрабавалі запрашаць людзей на гарадзкім рынку, але там — не дазволена.
Кухлей: «Зьявіліся кіраўнік мастоўскага РАУС і тэрытарыяльнай камісіі ды папярэдзілі нас, што гэта незаконна. Прычым папярэджаньне гэтае міліцыянты здымалі на відэакамэру.
Давераная асоба кандыдата ў прэзыдэнты Віталя Рымашэўскага Павал Севярынец сустракаецца з выбарцамі ў Мастах.
ВІЦЕБШЧЫНА
«Сабраць людзей на агітацыйныя сустрэчы будзе складана»
Першыя сустрэчы з кандыдатамі на прэзыдэнта ў Віцебскай вобласьці яшчэ толькі плянуюцца. І першым горадам, куды прыедуць кандыдаты, будзе Ворша. Але мясцовыя актывісты выказваюць меркаваньні, што сабраць людзей на агітацыйныя сустрэчы будзе нялёгка.
Алесь Шутаў, старшыня раённай суполкі партыі БНФ, арганізуючы сустрэчу з Рыгорам Кастусёвым, мусіў пагадзіцца на ня самае зручнае памяшканьне:
«Да нас у Воршу 26 лістапада прыедзе Рыгор Кастусёў, а 27 лістапада — Ўладзімер Някляеў. Аказалася, цяжка знайсьці прыдатнае памяшканьне. Вялікая заля ў цэнтры гораду, у мастацкай школе № 1, як высьветлілася, занятая — там будзе імпрэза да юбілею Ўладзімера Караткевіча. А іншыя залі — гэта на ўскраінах. Пераважна гэта актавыя залі агульнаадукацыйных школ, і хіба некалькі дзясяткаў чалавек можна разьмясьціць у такой залі».
26 лістапада ў Воршы адзначаюць 80-я ўгодкі Караткевіча, славутага пісьменьніка-земляка. Таму пагадзіцца давялося на залю Дома культуры інвалідаў зроку, кажа Алесь Шутаў. Заля там неблагая, але ж сам дом культуры месьціцца далёка ад цэнтру, на вуліцы Шаўчэнкі, і дабірацца праз увесь горад на сустрэчы з кандыдатамі Рыгорам Кастусёвым ды Ўладзімерам Някляевым пажадаюць далёка ня ўсе аршанцы.
Зрэшты, нават запрасіць людзей — і то стала праблемай, працягвае Алесь Шутаў:
Аршанская тэлекампанія „Скіф“ адмовілася прыняць абвесткі пра сустрэчы з Кастусёвым і зь Някляевым.
«25 лістапада, сёньня, аршанская тэлекампанія „Скіф“ адмовілася прыняць абвесткі пра сустрэчы з Кастусёвым і зь Някляевым. Матывацыя — што трэба яшчэ нейкі пісьмовы дазвол з гарвыканкаму. Хаця сустрэчы ўзгодненыя з тэрытарыяльнай камісіяй і няма патрэбы ў нейкіх яшчэ дадатковых санкцыях, рашэньнях, пастановах. Тым ня менш мы сутыкнуліся з тым, што закон — не для ўсіх».
Каб паведаміць пра сустрэчы з кандыдатамі сваім землякам, аршанскія актывісты расклейваюць па горадзе аб’явы.
Тое самае плянуюць рабіць і ў Наваполацку, куды 29-га лістапада мае завітаць Рыгор Кастусёў. Але, як паведаміў старшыня наваполацкай суполкі Партыі БНФ Уладзімер Кунцэвіч, праблем пакуль не паўстала ні з памяшканьнем, ні з рэклямай.
Абвесткі пра сустрэчу на мясцовай тэлестудыі «Вэктар» узялі, а памяшканьне, дзе жыхары гораду змогуць сустрэцца з кандыдатам на прэзыдэнта, — гэта самая прэстыжная ў Наваполацку заля Палаца культуры прадпрыемства «Нафтан», якая ўмяшчае 600 гледачоў.
ГОМЕЛЬШЧЫНА
«Аўтапікет — знаходка гомельскіх актывістаў»
25 лістапада ў Гомелі выстаўлены першы агітацыйны пікет за апазыцыйнага кандыдата ў прэзыдэнты.
На пляцоўцы ля новага ўнівэрмагу абвесткі пра сустрэчу Андрэя Саньнікава з выбарцамі 5 сьнежня ў Доме культуры «Фэстывальны» раздавала Галіна Баранава. Разам з саматужна вырабленымі абвесткамі актывістка раздавала й сінія стужачкі — гэта колер выбарчай кампаніі Саньнікава:
«Не хапае агітацыйных матэрыялаў. Самі на ксэраксе, хто можа, друкуем. Толькі ў панядзелак грошы паступілі Саньнікаву з камісіі, таму яшчэ не пасьпелі надрукаваць ніякіх матэрыялаў. Думаю, што гэта спэцыяльна зроблена. Мала часу застаецца для агітацыі. Гэта на руку ўладзе й афіцыйнаму кандыдату».
У абласным цэнтры вызначана 9 месцаў для правядзеньня пікетаў і мітынгаў, але яны не выкарыстоўваюцца пакуль для агітацыйнай кампаніі.