Прэтэндэнт на пасаду прэзыдэнта ад Беларускай партыі "Зялёныя" Юрый Глушакоў спыніў удзел у выбарчай кампаніі.
Прызнаючы, што ягонаму штабу не ўдалося сабраць неабходную для вылучэньня колькасьць подпісаў, Глушакоў ня лічыць гэта паражэньнем.
"Падчас гэтай прэзыдэнцкай кампаніі Беларуская партыя "Зялёныя" ўзбагацілася калясальным палітычным вопытам і змагла прыцягнуць у свае шэрагі сотні новых прыхільнікаў. Мы — маладая партыя. Але мы змаглі ўвайсьці ў гэтую няпростую выбарчую кампанію і весьці яе на годным узроўні", — гаворыцца ў заяве, якую распаўсюдзіў выбарчы штаб Ю.Глушакова, перадае БелаПАН.
Пры гэтым Глушакоў падкрэсьлівае, што ягоная партыя "па-ранейшаму выступае за адзінства, але на прынцыповай аснове". Беларуская партыя "Зялёныя" гатовая падтрымаць таго з кандыдатаў, "хто палічыць для сябе прымальнымі пункты, сфармуляваныя з улікам думкі выбарцаў: адмова ад будаўніцтва беларускай АЭС; адмена кантрактнай сыстэмы і аднаўленьне ўсіх адмененых сацыяльных ільготаў, уключаючы чарнобыльскія; неадкладны пераход да парлямэнцкай рэспублікі з апорай на моцныя мясцовыя саветы; мараторый на прыватызацыю значных прадпрыемстваў; прыняцьце закону "Аб працоўных калектывах" (вытворчае самакіраваньне, якое ўключае ў сябе права калектыву браць удзел у вырашэньні пытаньняў аб разьмеркаваньні прыбытку)".
У заяве адзначаецца, што гэтая выбарчая кампанія "праходзіць як ніколі ў вельмі няпростых умовах". Ю.Глушакоў адзначае, што многія апазыцыйныя прэтэндэнты не змаглі дамовіцца аб магчымасьці выхаду на адзінага кандыдата ад дэмакратычных сіл.
Прызнаючы, што ягонаму штабу не ўдалося сабраць неабходную для вылучэньня колькасьць подпісаў, Глушакоў ня лічыць гэта паражэньнем.
"Падчас гэтай прэзыдэнцкай кампаніі Беларуская партыя "Зялёныя" ўзбагацілася калясальным палітычным вопытам і змагла прыцягнуць у свае шэрагі сотні новых прыхільнікаў. Мы — маладая партыя. Але мы змаглі ўвайсьці ў гэтую няпростую выбарчую кампанію і весьці яе на годным узроўні", — гаворыцца ў заяве, якую распаўсюдзіў выбарчы штаб Ю.Глушакова, перадае БелаПАН.
Пры гэтым Глушакоў падкрэсьлівае, што ягоная партыя "па-ранейшаму выступае за адзінства, але на прынцыповай аснове". Беларуская партыя "Зялёныя" гатовая падтрымаць таго з кандыдатаў, "хто палічыць для сябе прымальнымі пункты, сфармуляваныя з улікам думкі выбарцаў: адмова ад будаўніцтва беларускай АЭС; адмена кантрактнай сыстэмы і аднаўленьне ўсіх адмененых сацыяльных ільготаў, уключаючы чарнобыльскія; неадкладны пераход да парлямэнцкай рэспублікі з апорай на моцныя мясцовыя саветы; мараторый на прыватызацыю значных прадпрыемстваў; прыняцьце закону "Аб працоўных калектывах" (вытворчае самакіраваньне, якое ўключае ў сябе права калектыву браць удзел у вырашэньні пытаньняў аб разьмеркаваньні прыбытку)".
У заяве адзначаецца, што гэтая выбарчая кампанія "праходзіць як ніколі ў вельмі няпростых умовах". Ю.Глушакоў адзначае, што многія апазыцыйныя прэтэндэнты не змаглі дамовіцца аб магчымасьці выхаду на адзінага кандыдата ад дэмакратычных сіл.