Кастрычніцкі райсуд Віцебску пакараў за хуліганства Аляксандра Гайдукова, які 18-га кастрычніка публічна зьневажаў удзельнікаў пікету па зборы подпісаў за вылучэньне на кандыдата ў прэзыдэнты.
Вадзім Кузьмін, сябар ініцыятыўнай групы Яраслава Раманчука, заявіў у судзе, што спадар Гайдукоў падыходзіў да пікетоўцаў некалькі дзён запар, абражаў жанчын і пагражаў усім фізычнай расправай. Удзельнікі пікетаў некалькі разоў выклікалі міліцыю, аднак хуліган штораз уцякаў.
Затрымаць Аляксандра Гайдукова ўдалося толькі 18 кастрычніка, прычым Вадзім Кузьмін сам скруціў яму рукі і не адпускаў да прыезду міліцыянтаў. Сёньня ў судзе ён выказаў хадайніцтва наконт матэрыяльнай кампэнсацыі нанесенай яму маральнай шкоды. Свае маральныя пакуты на працягу трох дзён, калі Гайдукоў тэрарызаваў пікетоўцаў, актывіст ацаніў у мільён рублёў.
Судзьдзя Алеся Жарыкава разглядаць гэтае патрабаваньне ня стала, параіўшы спадару Вадзіму Кузьміну ў гэтай справе зьвярнуцца ў суд асобна.
Вадзім Кузьмін, сябар ініцыятыўнай групы Яраслава Раманчука, заявіў у судзе, што спадар Гайдукоў падыходзіў да пікетоўцаў некалькі дзён запар, абражаў жанчын і пагражаў усім фізычнай расправай. Удзельнікі пікетаў некалькі разоў выклікалі міліцыю, аднак хуліган штораз уцякаў.
Затрымаць Аляксандра Гайдукова ўдалося толькі 18 кастрычніка, прычым Вадзім Кузьмін сам скруціў яму рукі і не адпускаў да прыезду міліцыянтаў. Сёньня ў судзе ён выказаў хадайніцтва наконт матэрыяльнай кампэнсацыі нанесенай яму маральнай шкоды. Свае маральныя пакуты на працягу трох дзён, калі Гайдукоў тэрарызаваў пікетоўцаў, актывіст ацаніў у мільён рублёў.
Судзьдзя Алеся Жарыкава разглядаць гэтае патрабаваньне ня стала, параіўшы спадару Вадзіму Кузьміну ў гэтай справе зьвярнуцца ў суд асобна.