У вёсцы Ляскавічы Петрыкаўскага раёну міліцыя затрымала гомельскага каардынатара стваранай партыі «Беларуская хрысьціянская дэмакратыя» Кастуся Жукоўскага.
Як паведаміў спадар Жукоўскі, ён прыехаў у Ляскавічы, дзе адкрываецца першы фэст этнакультурных каштоўнасьцяў «Покліч Палесься»:
«Мяне цікавілі найперш народныя промыслы й рамёствы. Хацеў пазнаёміцца з самабытнымі майстрамі, запісаць іх адрасы і, магчыма, штосьці замовіць для рэканструкцыі ўласнага дома. Але мяне затрымалі міліцыянты — капітан Марозенка і маёр Навумік — і завялі ў аддзяленьне міліцыі.
Спачатку казалі, што я неахайна апрануты, пасьля — што ў мяне нібыта падробны пашпарт, потым — што я нібыта падобны да нейкага злодзея, пра якога Марозенку паведамілі праз тэлефон».
Жукоўскі лічыць, што міліцыя зь перапуду прэвэнтыўна затрымлівае актывістаў перад прыездам высокага начальства і выдумляе дзеля гэтага розныя небыліцы. Акурат у гэтым, на яго думку, і выяўляецца сапраўдная традыцыя афіцыйных сьвятаў, калі, каб дагадзіць начальству, людзей адгароджваюць ад гісторыка-культурнай спадчыны.
Як паведаміў спадар Жукоўскі, ён прыехаў у Ляскавічы, дзе адкрываецца першы фэст этнакультурных каштоўнасьцяў «Покліч Палесься»:
«Мяне цікавілі найперш народныя промыслы й рамёствы. Хацеў пазнаёміцца з самабытнымі майстрамі, запісаць іх адрасы і, магчыма, штосьці замовіць для рэканструкцыі ўласнага дома. Але мяне затрымалі міліцыянты — капітан Марозенка і маёр Навумік — і завялі ў аддзяленьне міліцыі.
Спачатку казалі, што я неахайна апрануты, пасьля — што ў мяне нібыта падробны пашпарт, потым — што я нібыта падобны да нейкага злодзея, пра якога Марозенку паведамілі праз тэлефон».
Жукоўскі лічыць, што міліцыя зь перапуду прэвэнтыўна затрымлівае актывістаў перад прыездам высокага начальства і выдумляе дзеля гэтага розныя небыліцы. Акурат у гэтым, на яго думку, і выяўляецца сапраўдная традыцыя афіцыйных сьвятаў, калі, каб дагадзіць начальству, людзей адгароджваюць ад гісторыка-культурнай спадчыны.