Талерантнасьць і недыскрымінацыя – тэма фотаконкурсу, які праводзіцца сёлета па ініцыятыве і падтрымцы сталай місіі Казахстану і АБСЭ.
Беларускі фатограф Андрэй Лянкевіч стаў адным з пяці пераможцаў гэтага конкурсу.
"Я даслаў свой фотарэпартаж пра лясьбійскую сям'ю, якая жыве ў Менску, і адзін са здымкаў перамог. Цяпер я паеду ў Астану, дзе пройдзе канфэрэнцыя АБСЭ высокага ўзроўню па талерантнасьці і недэскрымінацыі, падчас якой атрымаю прыз і, думаю, трошкі адпачну", - кажа Андрэй.
У конкурсе бралі ўдзел прадстаўнікі ўсіх 56 краінаў, што ўваходзяць ў АБСЭ.