Адкрыцьцё новай выставы маладога, але ўжо прызнанага фотарэпартэра і фотамастака было першым у сьпісе ўрачыстых мерапрыемстваў з нагоды ўлазінаў беларускага аддзяленьня Інстытуту імя Гётэ.
Выстава пад назвай “Патаемнае жыцьцё” аб’ядноўвае фатаздымкі з сэрый “Паганства” і “Беларускае Партфоліё”, якія адлюстроўваюць моманты “не для фотааб'ектыва”: сакральныя народныя абрады, беларускую містыку, патаемнае жыцьцё пад вайсковай уніформай.
Экскурсію па выставе ладзіць сам Андрэй Лянкевіч.
Your browser doesn’t support HTML5
Экскурсія па выставе Андрэя Лянкевіча
Беларускі фатограф, нарадзіўся ў 1981 г. у Горадні. Мае ступень бакаляўра гуманітарных навук у галіне эканомікі, атрыманую ў Беларускім дзяржаўным унівэрсытэце. У 2004—2005 гг. вучыўся ў “Caucasus Media Institute” на сэмінары “World Press Photo” ў Ерэване, Армэнія. У рамках праграмы некалькі месяцаў жыў і вандраваў зь меншасьцю езідаў у Армэніі, выніковы фотапраект пра жыцьцё езідаў быў уганараваны прэміяй. У верасьні 2007 года быў запрошаны для ўдзелу ў майстар-клясе праекту “Focus on Monferrato” ў Таскане (Італія). У чэрвені 2008 г. браў удзел у праграме, падтрыманай “French Association Pour l’Instant”, у рамках якой зьняў фотасюжэт “Сучасныя інстытуты сям’і”.
Выкладае курс фотажурналістыкі ў Эўрапейскім гуманітарным унівэрсытэце, беларускім унівэрсытэце ў Вільні (Літва). З 2005 году супрацоўнічае з “European Press Photo Agency” (EPA), у 2007 далучыўся да “Anzenberger agency”.
У 2001—2008 гадах супрацоўнічаў зь незалежнай беларускай газэтай “Наша Ніва”. Публікаваў свае здымкі ў такіх замежных СМІ, як “New York Times”, “Le Figaro”, “Newsweek”, “Die Zeit”, “Spiegel”, “GEO”, “GEO Lino”, “International Herald Tribune”.
Працы выстаўляліся на больш як 30 выставах у Эўропе, Азіі і ЗША. Сярод іх выстава “Ў яго жаночае імя” ў галерэі “Galera” (Вільнюс, Літва), выстава “Living with Art” у галоўным офісе кампаніі AREV (Вена, Аўстрыя), “Young Belarus” у галерэі “Corridor” Варшаўскага ўнівэрсытэту (Варшава, Польшча); удзельнічаў у калектыўных выставах, у тым ліку ў “The Belarusian Identity cART” з пэрсанальным праектам “Dream city life” у “ART HALL Gallery”, (Талін, Эстонія), з праектам “Unknown Country” ў рамках 3-га месяца Эўрапейскай фатаграфіі ў цэнтры культуры і мастацтва “Uferhallen”, (Бэрлін, Германія), з праектам “У яго жаночае імя” ў музэі сучаснага мастацтва ў Вене (Аўстрыя), браў удзел у Беларускім павільёне Вэнэцыянскага біенале ў Менску (Беларусь).
Выкладае курс фотажурналістыкі ў Эўрапейскім гуманітарным унівэрсытэце, беларускім унівэрсытэце ў Вільні (Літва). З 2005 году супрацоўнічае з “European Press Photo Agency” (EPA), у 2007 далучыўся да “Anzenberger agency”.
У 2001—2008 гадах супрацоўнічаў зь незалежнай беларускай газэтай “Наша Ніва”. Публікаваў свае здымкі ў такіх замежных СМІ, як “New York Times”, “Le Figaro”, “Newsweek”, “Die Zeit”, “Spiegel”, “GEO”, “GEO Lino”, “International Herald Tribune”.
Працы выстаўляліся на больш як 30 выставах у Эўропе, Азіі і ЗША. Сярод іх выстава “Ў яго жаночае імя” ў галерэі “Galera” (Вільнюс, Літва), выстава “Living with Art” у галоўным офісе кампаніі AREV (Вена, Аўстрыя), “Young Belarus” у галерэі “Corridor” Варшаўскага ўнівэрсытэту (Варшава, Польшча); удзельнічаў у калектыўных выставах, у тым ліку ў “The Belarusian Identity cART” з пэрсанальным праектам “Dream city life” у “ART HALL Gallery”, (Талін, Эстонія), з праектам “Unknown Country” ў рамках 3-га месяца Эўрапейскай фатаграфіі ў цэнтры культуры і мастацтва “Uferhallen”, (Бэрлін, Германія), з праектам “У яго жаночае імя” ў музэі сучаснага мастацтва ў Вене (Аўстрыя), браў удзел у Беларускім павільёне Вэнэцыянскага біенале ў Менску (Беларусь).