Арганізатары гей-прайду заявілі, што шэсьце, заплянаванае на 15 траўня і забароненае ўладамі, усё роўна адбудзецца. Пра гэта было абвешчана на прэсавай канфэрэнцыі, якая адбылася сёньня ў Менску.
Пра месца і час правядзеньня параду паведамяць дадаткова. На дадзены момант інфармацыя застаецца закрытаю, дзеля таго каб пазьбегнуць сілавога разгону акцыі супрацоўнікамі міліцыі.
Таксама арганізатары асьцерагаюцца сутычак з тымі, хто з уласнай ініцыятывы хоча расправіцца зь людзьмі, якія адкрыта дэманструюць сваю сэксуальную неардынарнасьць.
Адкрыцьцё Славянскага гей-прайду адбудзецца сёньня ўвечары.