Вось як Сяргей Андросенка камэнтуе рашэньне менскіх уладаў, гаворыць пра тое, ці стала менш гамафобіі ў беларускім грамадзтве, ды адказвае на іншыя пытаньні.
Трэці год запар з 17 красавіка па 17 траўня ў Беларусі праводзіцца праваабарончая кампанія "Месяц супраць гамафобіі". сёлета яе арганізатарамі выступаюць беларуская ініцыятыва за сэксуальную і гендэрную роўнасьць і грамадзкае аб'яднаньне "Маладыя сацыял-дэмакраты – Маладая грамада" пры падтрымцы беларускага ЛГБТ парталу gay.by. завершыцца кампанія 17 траўня, ў Міжнародны дзень процідзеяньня гамафобіі, традыцыйнай акцыяй ў памяць людзей, якія сталі ахвярамі нацысцкага рэжыму. Дарэчы, сёлета 17 траўня спаўняецца 20 гадоў, як дыягназ "гомасэксуалізм" быў выключаны Ўсясьветнай арганізацыяй аховы здароўя са сьпісу псыхічных захворваньняў.
