Сёньня а 15-й гадзіне каля менскага ўнівэрсаму «Магілёўскі» сябры Аб’яднанай грамадзянскай партыі правялі акцыю з нагоды 11-й гадавіны зьнікненьня экс-міністра ўнутраных спраў Юр’я Захаранкі.
Сямёра ўдзельнікаў акцыі, у тым ліку старшыня АГП Анатоль Лябедзька, усклалі кветкі на месцы выкраданьня Юр’я Захаранкі. Пасьля гэтага іх усіх затрымалі міліцыянты.
Кастрычніцкі суд Менску аштрафаваў удзельнікаў пікету ад 10 да 25 базавых велічынь. Старшыня АГП Анатоль Лябедзька аштрафаваны на 25 базавых.
7 траўня 1999 года непадалёк ад свайго дома быў гвалтоўна выкрадзены экс-міністар унутраных спраў Беларусі, сябра АГП Юры Захаранка. Па сёньняшні дзень яго лёс застаецца невядомым.
Your browser doesn’t support HTML5
Акцыя памяці Юр’я Захаранкі
