Зрынуты прэзыдэнт Кіргізстану Курманбек Бакіеў завочна абвінавачаны паводле двух артыкулаў Крымінальнага кодэксу — у арганізацыі забойстваў і злоўжываньні службовым становішчам.
"Такім чынам, падставы для яго экстрадыцыі ёсьць", — заявіў намесьнік старшыні часовага ўраду Кіргізстану Азымбек Бекназараў.
"Па двух артыкулах — за забойства двух і больш чалавек, а таксама злоўжываньне службовым становішчам — пакуль што прад'яўленыя абвінавачаньні. Ужо ёсьць падставы для яго экстрадыцыі", — цытуе Бекназарава РИА Новости.
За такія злачынствы ў Кіргізстане могуць прысудзіць да сьмяротнага пакараньня.
Ён таксама паведаміў, што напярэдадні вечарам, 26 красавіка, часовы ўрад Кіргізстану прыняў дэкрэт аб адхіленьні Бакіева ад пасады і зьняцьці зь яго прэзыдэнцкага імунітэту.
Крымінальная справа супраць Бакіева заведзеная ў сувязі з гібельлю людзей падчас мітынгу апазыцыі ў Бішкеку 7 красавіка. Тады пры штурме Белага дома загінула звыш 80 чалавек.
"Па двух артыкулах — за забойства двух і больш чалавек, а таксама злоўжываньне службовым становішчам — пакуль што прад'яўленыя абвінавачаньні. Ужо ёсьць падставы для яго экстрадыцыі", — цытуе Бекназарава РИА Новости.
За такія злачынствы ў Кіргізстане могуць прысудзіць да сьмяротнага пакараньня.
Ён таксама паведаміў, што напярэдадні вечарам, 26 красавіка, часовы ўрад Кіргізстану прыняў дэкрэт аб адхіленьні Бакіева ад пасады і зьняцьці зь яго прэзыдэнцкага імунітэту.
Крымінальная справа супраць Бакіева заведзеная ў сувязі з гібельлю людзей падчас мітынгу апазыцыі ў Бішкеку 7 красавіка. Тады пры штурме Белага дома загінула звыш 80 чалавек.