Лагвінец патрабуе адмяніць выбары

Як гаворыцца ў лісьце Лагвінца, накіраваным у менскую пракуратуру і ў Цэнтравыбаркам, «у сувязі з грубымі і наўмыснымі парушэньнямі Канстытуцыі і дзейнага выбарчага заканадаўства прашу адмяніць выбары дэпутатаў Менскага гарадзкога Савету дэпутатаў па Сухараўскай выбарчай акрузе № 30 і прыняць усе неабходныя меры па аднаўленьні законнасьці і павазе прынцыпаў справядлівасьці, галоснасьці і дэмакратычнасьці выбараў у Фрунзенскім раёне Менску».

Кандыдат пералічае шэраг парушэньняў. Да прыкладу, у сьпісы ня ўнесены прозьвішчы значнай колькасьці выбарцаў, утварэньне ўчастковых выбарчых камісіяў праведзена непразрыста і перадузята. Таксама Аляксандар Лагвінец зьвяртае ўвагу на невыкананьне рашэньняў Менгарвыканкаму адносна разьмяшчэньня агітацыйных матэрыялаў і адмову ў прадстаўленьні інфармацыі кандыдату ў дэпутаты. Адзначаюцца таксама парушэньні падчас датэрміновага галасаваньня.