Ад удзелу ў выбарах адмовіліся чацьвёра кандыдатаў у дэпутаты гарадзкога савету.
У Лазоўскай выбарчай акрузе № 12 адмовілася балятавацца Галіна Барейка, у Школьнай выбарчай акрузе № 24 - Лідзія Сагідуліна; у Паўднёвай выбарчай акрузе № 25 - Галіна Багданава і Кіраўскай выбарчай акрузе № 35 - Юлія Валадзько.
Усе чацьвёра былі вылучаныя ў Віцебскі гарадзкі Савет па партыйных сьпісах.
Старшыня абласной арганізацыі Мікалай Селівашка кажа, што прычыны выхаду партыйцаў з выбарчай кампаніі -- гэта праблемы на працы праз вылучэньне ў кандыдаты. Інакш кажучы, кіраўнікі прапанавалі кандыдатам альтэрнатыву: альбо звальняцца, альбо працягваць працу на выбарах.
На сёньняшні дзень зь перадвыбарчай гонкі на Віцебшчыне выбылі сямёра прадстаўнікоў апазыцыйных партыйных структур: Уладзімер Кунцэвіч, Тамара Карызна і Ніна Кавалёва - з Партыі БНФ і зараз чацьвёра – вылучэнцы ад партыі “Справядлівы сьвет”.